Bota

PAMJE/ Tornado dhe stuhi të fuqishme në disa shtete të SHBA, 34 të vdekur

Ndërkohë më shumë se 250,000 shtëpi dhe biznese mbetën pa energji elektrike në shtatë shtete duke përfshirë Michigan, Missouri dhe Illinois.

16 Mars 2025, 15:23 Nga E. D
PAMJE/ Tornado dhe stuhi të fuqishme në disa shtete të SHBA, 34
pamje nga vendngjarja

SHBA- Të paktën 34 njerëz kanë vdekur në SHBA 12 prej tyre në Misuri, pas stuhive të forta dhe tornadove të fuqishme përfshinë disa shtete të Amerikës. Siç raportohet në Kansas të paktën tetë persona humbën jetën pasi më shumë se 55 automjete u përfshinë në një aksident rrugor për shkak të një stuhie pluhuri, shkruan BBC. 

Ndërkohë më shumë se 250,000 shtëpi dhe biznese mbetën pa energji elektrike në shtatë shtete duke përfshirë Michigan, Missouri dhe Illinois. Në orët në vijim moti pritet të përkeqësohet sidomos në Luizianën lindore, Gjeorgjinë perëndimore, Tenesin qendror dhe Florida perëndimore Panhandle. 

Stuhia ka shkaktuar gjithashtu më shumë se 100 vatra zjarri, duke shkatërruar më shumë se 300 shtëpi në Oklahoma, ndërsa banorët janë detyruar të evakuohen nga zona të rrezikshme. Shërbimi Kombëtar i Motit ka paralajmëruar stuhi të tjera për rajonin juglindor të SHBA-së, me erëra që mund të arrijnë deri në 160 km/h. Nën ndikimin e kushteve ekstreme autoritetet po punojnë për të ndihmuar të mbijetuarit.

Sondazh

Poll

MË SHUMË