Aktualitet

Përplasi për vdekje me skaf Jonada Avdiajn në Himarë, Gjykata e Apelit lë në fuqi dënimin me 18 vite burg për Arjan Tasen

Tase kishte apeluar dënimin e gjykatës së shkallës së parë në Vlorë që e kishte dënuar me 18 vite burg, por sot Apeli e la në fuqi

12 Mars 2025, 13:21 Nga N.F
Përplasi për vdekje me skaf Jonada Avdiajn në Himarë,
Arjan Tase

TIRANË- Gjykata e Apelit ka marrë vendimin ditën e sotme për të lënë në fuqi dënimin me 18 vite burg për ish-policin Arjan Tase i cili përplasi për vdekje me skaf 7-vjeçaren Jonada Avdiajn në Himarë.

Tase kishte apeluar dënimin e gjykatës së shkallës së parë në Vlorë që e kishte dënuar me 18 vite burg, por sot Apeli e la në fuqi. Ai u shpall fajtor për ‘vrasje me dashje’  parashikuar nga neni 76 i Kodit Penal

Si ndodhi ngjarja e rëndë?

Më 3 gusht 2022 komisari i Policisë, Arjan Tase përplasi në plazhi e Potamit për vdekje 7-vjeçaren Jonada Avdiu. Efektivi futi gomonen në hapësirën e rrethuar për pushuesit me bova plastike. Ai kreu manovrime të rrezikshme dhe 15 metra larg bregut goditi me pjesën e prapme të mjetit lundrues, Jonada Avdiun duke i shkaktuar plagë të rënda që kanë sjellë humbjen e menjëhershme të jetës. Familja Avdia, me origjinë nga Tropoja jetonte në Angli, por ishte kthyer në atdhe për pushimet e verës. Ata zgjodhën pikërisht plazhin e Potamit, vend që u kthye në makthin e tyre më të madh, pasi Jonada e vogël u përplas për vdekje nga skafi i Tases.

arjan tase vrasja e jonada avdiajt

Sondazh

Poll

MË SHUMË