Bota

Rubio, bisedë telefonike me homologun ukrainas, DASH: Sekretari i Shtetit theksoi se Trump synon që palët të ndërmarrin hapa për të siguruar paqe

Rubio i përcolli homologut të tij mesazhin e presidentit Donald Trump, i cili është i vendosur t’i japë fund luftës mes Rusisë dhe Ukrainës sa më shpejt të jetë e mundur.

8 Mars 2025, 16:53 Nga M.B
Rubio, bisedë telefonike me homologun ukrainas, DASH: Sekretari i
Marco Rubio

SHBA- Departamenti Amerikan i Shtetit njoftoi se Sekretari i Shtetit, Marco Rubio, zhvilloi një telefonatë me ministrin e Jashtëm ukrainas, Andrii Sybiha, dje në mbrëmje. Sipas deklaratës zyrtare, Rubio i përcolli homologut të tij mesazhin e presidentit Donald Trump, i cili është i vendosur t’i japë fund luftës mes Rusisë dhe Ukrainës sa më shpejt të jetë e mundur.

“Rubio theksoi se Trump synon një zgjidhje të shpejtë të konfliktit trevjeçar dhe nënvizoi se të gjitha palët duhet të ndërmarrin hapa për të siguruar një paqe të qëndrueshme”, tha zëdhënësja e Departamentit të Shtetit, Tammy Bruce.

Një reagim ka ardhur edhe nga Shefja e Politikës së Jashtme të Bashkimit Evropian, Kaja Kallas, e cila komentoi sulmet e fundit të Rusisë ndaj Ukrainës. Përmes një postimi në platformën X, Kallas deklaroi se sulmet masive të ndërmarra nga Kremlini gjatë natës tregojnë se Rusia “nuk ka interes për paqen”.

“Raketat ruse vazhdojnë të bien pa pushim mbi Ukrainën, duke shkaktuar më shumë viktima dhe shkatërrim. Putin, edhe një herë, tregon se nuk ka interes për paqen. Ne duhet të rrisim mbështetjen tonë ushtarake, përndryshe, edhe më shumë civilë ukrainas do të paguajnë çmimin më të lartë”, tha ajo. 

marco rubio

Sondazh

Poll

MË SHUMË