Aktualitet

Përplasjet SHBA-BE dhe gara e armatimeve/ Kurti lëshon alarmin: Rrezikun e një agresioni ushtarak e kemi pranë kufijve

Kryeministri kosovar, Albin Kurti tregon edhe investimet që ka bërë shteti për ushtrinë

6 Mars 2025, 21:04 Nga A.Ll

Përplasjet SHBA-BE dhe gara e armatimeve/ Kurti lëshon alarmin:

Kosova - Kryeministri Kurti gjatë fjalimit në akademinë përkujtimore për Epopenë e UÇK-së, tha se luftërat nuk i takojnë veç të kaluarës, dhe ato janë rikthyer në këtë shekull në kontinentin evropian.

“Në kohën kur shtetet e kontinentit tonë, po investojmë më shumë në pajisje dhe përgatitje ushtarake, edhe ne në Kosovë, që luftën e përjetuam, e mbijetuam në të shkuarën e afërt dhe që rrezikun e një agresioni të hapur ushtarak e kemi jo larg kufijve tanë, po punojmë për pajisjen e FSK-së me armatim modern dhe stërvitjen e saj, sipas artit bashkëkohor ushtarak. Në 4 vitet e fundit e kemi përmbushur kërkesën e NATO-s për dedikimin e së paku 2 për qind të bruto produktit vendor për mbrojtjen. Kemi investuar 319 milion euro për armatim bashkëkohor siç janë dronët “Bayraktar”, sistemet antitank “Javelin”," tregoi Kurti.

Kryeministri Kurti tha se FSK dhe forcat tjera të sigurisë së vendit kanë moral të lartë, sepse marrin frymëzim të pashtershëm nga shembulli i luftës çlirimtare.

Kurti shtoi, se përpjekja për sigurinë dhe paqen do të vazhdojë me investimet në siguri, me aleancën e palëkundur me vendet demokratike, SHBA-të, vendet e BE-së, Mbretërinë e Bashkuar, Turqinë, Kanadanë e të tjera, e me bashkëpunimin, sidomos me Shqipërinë.

 

albin kurti kosova armatimi

Sondazh

Poll

Aktualitet 6 Mars 2025, 18:15 r.ll

Shqipëria Inovative në "ITB Berlin"

foto ilustruese BERLIN- Zhvillimi galopant i ekosistemit të inovacionit në Shqipëri, por edhe sfidat e së ardhmes, ndër t&eum...

MË SHUMË