Aktualitet

Operacioni i SPAK pas abuzimeve me tenderat/ "Ja kemi lënë drejtësisë çështjen", rektori Sallaku: UBT do të ringrihet sërish, jemi mësuar me të tilla sfida

Sallaku u shpreh se nëse Komisioni Parlamentar i Arsimit e thërret është i gatshëm të paraqitet.

26 Shkurt 2025, 09:09 Nga r.ll
Operacioni i SPAK pas abuzimeve me tenderat/ "Ja kemi lënë
fatbardh sallaku

TIRANË- Rektori i Universitetit Bujqësor, Fatbardh Sallaku gjatë fjalës së tijj ka komentuar 24 masat e lëshuara pas operacionit të SPAK për abuzimet me tenderat në Universitetin Bujqësor. Sallaku u shpreh se nëse Komisioni Parlamentar i Arsimit e thërret është i gatshëm të paraqitet. Ai shtoi se nuk mbështet asnjë person dhe se është drejtësia ajo që do të hetojë rastin.

Më tej shtoi se UBT do të ringrihet pasi sipas tij kanë pasur edhe sfida të tjera të tilla më para, ndërsa tha gjithashtu se Shqipëria është me fat që ka një Universitet Bujqësor. 

"Nëse Komisioni parlamentar i Arsimit më thërret jam i gatshëm të shkoj. Nuk mbështes asnjë person dhe ja kemi lënë drejtësisë ta hetojë. Kam besim se UBT jo vetëm do të ringrihet sepse kemi pasur mjaft sfida të tilla dhe ne jemi ringritur.

Tashmë jemi futur në një rrugë që është rruga e vetme sesi sistemi arsimor duhet të funksionojë në Shqipëri. Ajo që po bejmë me universiteti Bocus nuk është një projekt por një strukturim total. Kam folur me administratorin e palës austriake pas kësaj që ndodhi dhe do ta përshpejtojmë procesin. UBT ka kapacitetet dhe vlerat dhe Shqipëria është me fat që ka një Universitet Bujqësor," tha Sallaku.

fatbardh sallaku ubt

Sondazh

Poll

MË SHUMË