Politike

"Ajo që patë sot ishte vetëm maja e ajsbergut", Berisha: Stop djegies së dokumenteve te Bashkia dhe zbrazjes me shpejtësi të arkivave të dikastereve

Berisha bëri thirrje punonjësve të administratës të mbajnë kopje të çdo veprimtarie antiligjore të zyrtarëve të lartë të tyre. 

25 Shkurt 2025, 14:22 Nga r.ll
"Ajo që patë sot ishte vetëm maja e ajsbergut",
sali berisha

TIRANË- Kryetari i Partisë Demokratike, Sali Berisha ka komentuar zhvendosjen e disa dosjeve ditën e sotme nga bashkia e Tiranës. Berisha tha se këto janë përpjekje për të zhdukur provat shkresore dhe dokumentet e veprimtarive kriminale. 

Kreu i PD-së tha se ky proces ka nisur prej tre javësh, ndërsa ajo që u pa sot te bashkia e Tiranës ishte vetë "maja e ajsbergut". Berisha bëri thirrje punonjësve të administratës të mbajnë kopje të çdo veprimtarie antiligjore të zyrtarëve të lartë të tyre. 

"Regjimi po shkërmoqet, siç edhe ligji më i pandryshuar i diktaturave. Institucionet janë angazhuar në një përpjekje të ethshme për të zhdukur provat shkresore, diokumentet e veprimtarive të tyre kriminale. Ka 3 javë që një proces i tillë, i ethshëm, po kryhet në disa dikastere. Ajo që patë sot në Bashkinë e Tiranës është vetëm maja e ajsbergut.

Ajo, ka ndodhur siç është paralajmëruar në Këshillin e Ministrave në ministritë dhe agjencitë e Lubi Ballukut, Ministrinë e Jashtme, çuditërisht domethënë, se edhe ajo ka kusure të mëdha, Ministrinë e Brendshme, një përpjekje e tmerrshme e ethshme për t’u fshehur me djegie dhe grisjes dokumentesh. Siç e patë mbrëmë, qytetarët e Tiranës shprehën një shqetësim të madh, por pati edhe të tjerë që bënë humor, u inagurua ‘inceneratori i Tiranës’.

Djegia në Bashkinë e Tiranës, e dokumenteve, jo vetëm të bashkisë e bënë përgjegjëse këtë bashki për një krim shumë të rëndë, jo vetëm të bashkisë, por edhe institucione të tjera. Ndaj edhe, iu bëj thirrje të gjithë punonjsve të administratës, njerëz të ndershëm të mbajnë kopje të çdo veprimtarie antiligjore kriminale të zyrtarëve të lartë të tyre. Të mos implikohen, të mos bëhen bashkëautorë në një proces karakteristik për përmbysjen e sistemeve. Të mos harrojnë se, gjurma digjitale do të gjendet edhe në hënë, kudo që të jetë dhe auditi i përgjithshëm për të gjetur se ku kanë shkuar 56 miliardë në 12 vite të Edi Ramës, të cilat nuk janë dhënë rroga dhe pensione. Ndaj dhe, stop djegies së dokumenteve! Stop, zhdukjes së tyre dhe zbrazies me shpejtësi të arkivane të dikastereve.", tha Berisha ndër të tjera. 

sali berisha

Sondazh

Poll

MË SHUMË