Aktualitet

Grabitje me dhunë dhe drejtim mjeti në gjendje të dehur, 6 të arrestuar në Tiranë

Gjashtë personat e arrestuar janë shoqëruar për veprime të mëtejshme proceduriale.

23 Shkurt 2025, 14:30 Nga Dosja
Grabitje me dhunë dhe drejtim mjeti në gjendje të dehur, 6
Foto ilustruese

TIRANË - Gjashtë persona janë arrestuar nga Policia në Tiranë, pasi akuzohen për vepra të ndryshme penale. Policia sqaron se të arrestuarit akuzohen për grabitje me dhunë, drejtim mjeti në gjendje të dehur, vepra të turpshme dhe tentativë për të korruptuar punonjsit e Policisë. 

Gjashtë personat e arrestuar janë shoqëruar për veprime të mëtejshme proceduriale.

Njoftimi i Policisë:

Specialistët e Seksionit për Hetimin e Narkotikeve arrestuan shtetasin E.N., 47 vjeç, pasi gjatë kontrollit fizik, shërbimet e Forcës së Posaçme “Shqiponja” gjetën e sekuestruan sasi lënde e dyshuar narkotike kanabis.

Specialistët për Hetimin e Krimeve në Komisariatin e Policisë Nr. 2 arrestuan shtetasin K. M., 31 vjeç, pasi ka vjedhur çantën e shtetases E. V.

Specialistët për Hetimin e Krimeve në Komisariatin e Policisë Nr. 6 arrestuan shtetasin M. P., 65 vjeç, pasi dyshohet se ka konsumuar elementët e veprës penale “Vepra të turpshme”.

Specialistët e Qarkullimit Rrugor arrestuan shtetasit:

R. L., 57 vjeç, pasi duke drejtuar automjetin në gjendje të dehur ka goditur nga pas automjetin me drejtues A. N;

F. S., 29 vjeç dhe E. B., 41 vjeç, pasi u kapën duke drejtuar automjetet në gjendje të dehur;

Xh. H., 63 vjeç, pasi u konstatua duke drejtuar automjetin në gjendje të dehur. Pas konstatimit ky shtetas i ka ofruar punonjësit të policisë një kartëmonedhë me prerje 2000 lekë të rinjë, me qëllimin shmangien e ndëshkimit ligjor.

Materialet procedurale i kaluan Prokurorisë së Tiranës, për veprime të mëtejshme.

arrestime tirane

Sondazh

Poll

MË SHUMË