Aktualitet

Aksion i befasishëm gjatë natës në Peqin, policia, kontrolle në lokale dhe automjete! Në "shënjestër", personat me lidhje me krimin, disa të shoqëruar

Gjithashtu në "lupën" e policisë kanë qenë edhe lokalet ku dyshohet se ushtrohet veprimtari e kundërligjshme e lojërave të fatit apo dhe që frekuentohen sidomos nga persona që janë në kërkim apo shpërndajnë lëndë narkotike e që mbajnë armë zjarri.

12 Shkurt 2025, 07:23 Nga M.B
Aksion i befasishëm gjatë natës në Peqin, policia, kontrolle
Foto ilustruese

PEQIN- Policia ka ushtruar kontrolle gjatë orëve të vona të natës në lokale dhe automjetet që qarkullonin në rrugët e qytetit Peqinit. Sipas informacioneve, kontrollet kanë patur si qëllim kapjen e personave që mbajnë armë zjarri pa leje dhe që shpërndajnë lëndë narkotike si edhe kapja e atyre personave të cilët janë të shpallur në kërkim për vepra të ndryshme penale.

Gjithashtu në "lupën" e policisë kanë qenë edhe lokalet ku dyshohet se ushtrohet veprimtari e kundërligjshme e lojërave të fatit apo dhe që frekuentohen sidomos nga persona që janë në kërkim apo shpërndajnë lëndë narkotike e që mbajnë armë zjarri. Bëhet me dije se gjatë kontrolleve ka patur edhe kundërshtime të pronarëve të lokaleve si edhe të qytetarëve për mënyrën sesi ka vepruar policia ku në disa raste ka patur edhe incidente.

Sipas informacioneve, policia ka kërkuar që disa personave t'u merrte telefonat celularë. Nisur nga kjo disa individë fillimisht kanë refuzuar. Disa persona ndërkaq janë shoqëruar për verifikim në Komisariatin e Policisë së Peqinit. Kontrollet e befasishme mësohet se do të jenë të vazhdueshme në të gjitha akset rrugore në qytet.

peqin policia

Sondazh

Poll

MË SHUMË