Politike

"Marrëdhëniet e tona me Amerikën janë në fazë të rrezikshme", Haradinaj: Nëse rizgjidhet Kurti ekziston rreziku që SHBA do të heqë çdo mburojë për Kosovën!

Haradinaj i cilësoi si tepër serioze deklaratat e të dërguarit të posaçëm të Trump, Richard Grenell për qeverinë e Kosovës.

5 Shkurt 2025, 22:04 Nga N.F
"Marrëdhëniet e tona me Amerikën janë në fazë
Haradinaj dhe Kurti

KOSOVË- Kreu i Aleancës për Ardhmërinë e Kosovës, Ramush Haradinaj është shprehur se Kosova rrezikon të mbetet pa mbrojtjen e Shteteve të Bashkuara të Amerikës në rast se Albin Kurti fiton sërish zgjedhjet e 9 shkurtit. Haradinaj në emisionin "Rubikon" në Klan Kosova theksoi se nëse Kurti është kryeministër edhe pas 9 shkurtit, SHBA do e largojë mbrojtjen që ka për Kosovën.

“Ekziston rreziku real i heqjes së çdo lloj mburoje nga Shtetet e Bashkuara të Amerikës për Kosovën. Këtë po e them se jo që kam qejf, dhe jo se kam ardhë në atë pikë që me këtë të fitojë vota. Por është rrezik real të na hiqet çdo mburojë nga Amerika nëse ky njeri zgjidhet,” tha ai.

Haradinaj i cilësoi si tepër serioze deklaratat e të dërguarit të posaçëm të Trump, Richard Grenell për qeverinë e Kosovës. Ai tha se Grenell tregon me saktësi gjendjen e raporteve mes Kosovës dhe Shteteve të Bashkuara.

“Kjo që tha Z. Grenell prapë është një gjuhë e butë, gjendja është edhe më keq, situata dhe marrëdhëniet e tona me Amerikën janë në fazë më të rrezikshme se sa e thotë ky qëndrim. Edhe pse ky është i prerë dhe po e sqaron në saktësi gjendjen, prapë besoni se ai nuk ka kërcënuar se çfarë i ndodh Kosovës nëse e mbështetni këtë, por ka thënë mos u mashtroni, mos i besoni sepse i ka sjellë marrëdhëniet në një fazë të keqe,” theksoi Haradinaj.

haradinaj kurti

Sondazh

Poll

MË SHUMË