Aktualitet

I grabiti me dhunë çantën një 40-vjeçari, arrestohet 30-vjeçari në Fier (EMRI)

Në pranga ka rënë Mevlud Hasa, i cili sipas policisë i ka grabitur me dhunë çantën personale një 40-vjeçari në lagjen "16 Prilli".

5 Shkurt 2025, 14:03 Nga B.Z
I grabiti me dhunë çantën një 40-vjeçari,
Foto ilustruese

FIER - Një 30-vjeçar është arrestuar nga Policia në Fier pasi akuzohet për grabitje. Në pranga ka rënë Mevlud Hasa, i cili sipas policisë i ka grabitur me dhunë çantën personale një 40-vjeçari në lagjen "16 Prilli".

30-vjeçari është shoqëruar për veprime të mëtejshme proceduriale, ndërkohë çanta me sendet personale është sekuestruar nga policia.

Njoftimi i policisë

“Vodhi me dhunë në rrugë, çantën e një 40-vjeçari, vihet në pranga autori.

Sekuestrohet çanta me para dhe me sende personale.

Menjëherë pas njoftimit se në lagjen “16 prilli”, ishte kryer një vjedhje me dhunë, shërbimet e Komisariatit të Policisë Fier organizuan punën për identifikimin dhe arrestimin e autorit të rastit.

Si rezultat i veprimeve profesionale dhe të shpejta policore, u identifikua dhe u vu në pranga, pak orë pas kryerjes së vjedhjes, shtetasi M. H., 30 vjeç, banues në fshatin Fermë Çlirim.

Materialet procedurale iu referuan Prokurorisë së Fierit, për veprime të mëtejshme, për veprën penale “Vjedhja me dhunë”.

Sondazh

Poll

MË SHUMË