Rreth 9,000 njerëz janë larguar nga ishulli që nga e diela, me fluturime shtesë emergjente të planifikuara për tu larguar të martën.
GREQI- Mijëra banorë po largohen nga Santorini pasi qindra tërmete u regjistruan pranë ishullit grek në 48 orët e fundit. Rreth 9,000 njerëz janë larguar nga ishulli që nga e diela, me fluturime shtesë emergjente të planifikuara për tu larguar të martën. Më shumë se 300 tërmete janë regjistruar në dy ditët e fundit pranë ishullit dhe disa ekspertë thonë se lëkundjet mund të vazhdojnë për javë të tëra. Autoritetet kanë mbyllur shkollat dhe kanë paralajmëruar kundër tubimeve të mëdha në ambiente të mbyllura, por kryeministri Kyriakos Mitsotakis ka kërkuar qetësi, shkruan BBC.
Dhjetëra lëkundje janë regjistruar në Detin Egje në veri-lindje të Santorinit deri më tani të martën, me një tërmet të madh me magnitudë 5 ballë që goditi mesditën. Disa ditë aktiviteti të vazhdueshëm sizmik ka bërë që disa banorë të flenë në makinat e tyre të frikësuar për të kaluar natën në shtëpitë e tyre në rast se muret ose tavanet bien. Deri më tani nuk janë raportuar dëme të mëdha në ishull, por masat emergjente po merren si masë paraprake. Qindra njerëz u vunë në radhë në port në orët e para të mëngjesit të së martës për të hipur në një traget që nisej për në kontinent.
"Gjithçka është e mbyllur. Askush nuk punon tani. I gjithë ishulli është zbrazur," tha një 18-vjeçar banor vendas.
Mediat lokale raportojnë se rreth 6,000 njerëz janë larguar nga ishulli me traget që nga e diela, dhe 2,500 deri në 2,700 pasagjerë të tjerë do të kenë fluturuar nga Santorini në Athinë me aeroplan të hënën dhe të martën. Në ditët e fundit, rreth 9,000 njerëz në total janë larguar nga Santorini një ishull i vogël me një popullsi prej vetëm 15,500 banorësh.
Ishulli mirëpret miliona turistë çdo vit, por rezervimet këtë periudhë të vitit janë minimale, kështu që banorët dhe punëtorët vendas përbëjnë shumicën e të evakuuarve. Kostas Sakavaras, një guidë turistike që ka jetuar në Santorini për 18 vjet, u largua nga ishulli me gruan dhe fëmijët e tij të hënën.
"Ne e konsideruam se është një zgjedhje më e mirë për të ardhur në kontinent si një masë paraprake. Asgjë nuk ka rënë, apo diçka e tillë. Kjo është pjesa më e frikshme e saj," i tha ai BBC News.
Shkollat janë planifikuar të qëndrojnë të mbyllura në ishull deri të premten. Autoritetet gjithashtu kanë paralajmëruar njerëzit që të shmangin zona të caktuara të ishullit dhe të zbrazin pishinat e tyre. Kryetari i bashkisë së Santorinit, Nikos Zorzos, tha se ishulli ishte i përgatitur për aktivitet sizmik që mund të zgjasë shumë javë. Ai shtoi se ishin në zbatim plane për të ndërtuar strehimore dhe për të siguruar ushqim për popullatën nëse shfaqen lëkundje më të mëdha.
Foto ilustruese EVROPË- Një raport i Komisionit Evropian ka bërë me dije se ujërat sipërfaqësore në Evrop...
Foto ilustruese UKRAINË- Sulmet në rrjetin elektrik të Ukrainës mund të krijojnë rrezikun e një aksidenti bërthamor...
Ursula von der Leyen BRUKSEL- Presidentja e Komisionit Evropian Ursula von der Leyen tha të martën se BE-ja është e gatshme për ne...
pamje nga takimi TURQI- Presidenti i Turqisë Rexhep Tajip Erdogan po zhvillon takim me presidentin e përkohshëm sirian Ahmed...
Jens Stoltenberg NORVEGJI- Ish-sekretari i përgjithshëm i NATO-s, Jens Stoltenberg është emëruar si ministri i ardhshëm i fi...
Foto ilustruese SHBA- Vendimi i Presidentit Donald Trump për të ngrirë shumicën e ndihmave amerikane për vendet e huaja i ka v&eum...
pamje nga vendngjarja SUEDI- Policia suedeze ka njoftuar se pesë persona janë qëlluar me armë në një shkollë në pj...
Banorët që po largohen GREQI- Tërmetet vijojnë të shkundin zonën detare mes Santorinit dhe Amorgos. Mësohet se pak ...
Trump SHBA- Rreth 20,000 punonjës federalë kanë pranuar ofertën e largimit vullnetar të bërë nga administrata Trump...
fo GAZA- Hamasi ka deklaruar se janë duke u zhvilluar bisedimet për fazën e dytë të marrëveshjes së pengjeve dhe ar...