Bota

Tre gjëra që drejtuesit duhet t’u japin prioritet në vitin 2025

Ndërsa fokusi i mbledhjes së WEF ishte te ecuria e botës në epokën tonë të përshpejtuar dixhitale, udhëheqësit kishin pikëpamje të ndryshme se si ne mund ta arrijmë këtë.

2 Shkurt 2025, 08:22 Nga r.ll
Tre gjëra që drejtuesit duhet t’u japin prioritet në vitin
foto ilustruese

DAVOS- Me mbylljen e takimit vjetor të Forumit Ekonomik Botëror (WEF) në Davos këtë, çfarë u diskutua? Ndërsa fokusi i mbledhjes së WEF ishte te ecuria e botës në epokën tonë të përshpejtuar dixhitale, udhëheqësit kishin pikëpamje të ndryshme se si ne mund ta arrijmë këtë.

“Bota sot është ende e ndërlidhur si kurrë më parë,” tha Ursula von der Leyen, Presidente e Komisionit Europian, gjatë ceremonisë së hapjes. “Por ajo gjithashtu ka filluar të ndahet në drejtime të reja.”

Më poshtë shpjegohen tre mësime për vitin e ardhshëm nga udhëheqës të rëndësishëm të sektorit privat, jofitimprurës apo politik.

Në epokën e IA, njerëzit janë më vendimtarë se kurrë

Ndërsa debati vazhdon, nëse inteligjenca artificiale është këtu për të na shpëtuar apo shkatërruar, bota njëkohësisht duhet të përshtatet me shfaqjen e saj të shpejtë.

Dhe ndërsa dy të pestat e grupeve të aftësive të punëtorëve do të shndërrohen ose do të bëhen të vjetruara në pesë vitet e ardhshme, për shkak të teknologjisë së përparuar, IA nuk shihet më si kërcënim për punët e të njerëzve.

Përqafimi i një mendësie përshtatjeje është kyç

Teknologjia po përparon me një ritëm të tillë, nuk është vetëm një çështje e punonjësve dhe organizatave, që rikualifikohen për epokën e IA.

Është një proces mësimor pothuajse i vazhdueshëm. Sot rëndësia dhe dobishmëria e aftësive po zvogëlohen me shpejtësi.

Një aftësi e mësuar tani vlen sa gjysma e vlerës së një aftësie të mësuar gjashtë vjet më pare, prandaj përshtatshmëria ndaj ndryshimit është thelbësore.

Bashkëpunimi dhe komunikimi janë gjithashtu të rëndësishme

Transferimi i jashtëm dikur ishte një opsionale, por tani “bashkëpunimi është kyç”, thotë Christophe Catoir, President i ofruesit të burimeve njerëzore Adecco.

“Kur doni të krijoni një avantazh konkurrues,” thotë ai, “shpejtësia është shumë më e rëndësishme se më parë. Kështu që ju duhet të bashkëpunoni me më të mirët rreth jush dhe të krijoni një komunitet njerëzish, kompanish, të cilët janë në gjendje të krijojnë së bashku një motor për rritje.”

Gita Gopinath, Zëvendës Drejtoresha Menaxhuese e Fondit Monetar Ndërkombëtar vlerëson “dëgjimin e opinioneve të ndryshme dhe kur njerëzit mendojnë se mund të mos pajtohen me mua”./MONITOR

forumi ekonomik botëror

Sondazh

Poll

MË SHUMË