Bota

Tragjedia ajrore në SHBA me asnjë të mbijetuar, vjen reagimi i Shtëpisë së Bardhë: Trump do të vazhdojë t’i përmbushë premtimet e tij

Ajo tha se presidenti Donald Trump nënshkroi një memorandum për vlerësimin e menjëhershëm të administratës federale të aviacionit (FAA).

31 Janar 2025, 21:55 Nga E. D
Tragjedia ajrore në SHBA me asnjë të mbijetuar, vjen reagimi i
foto ilustruese

SHBA- Sekretarja e shtypit e Shtëpisë së Bardhë Karoline Leavitt së fundmi ka dhënë një konferencë për shtyp në lidhje me përplasjen e aeroplanit dhe helikopterit në Uashington. Ajo tha se presidenti Donald Trump nënshkroi një memorandum për vlerësimin e menjëhershëm të administratës federale të aviacionit (FAA).

Gjithashtu bëhet e ditur se ai do të përfshijë një vlerësim për çdo përkeqësim të standardeve të punësimit dhe standardeve të sigurisë së aviacionit gjatë administratës së mëparshme. 

“Siguria e aviacionit u trajtua nga presidenti Trump edhe para se të ndodhte kjo ngjarje tragjike. Në ditën e tij të dytë në detyrë, presidenti nënshkroi një memorandum për të ndaluar programet e punësimit të Biden DEI dhe për t’u rikthyer në punësime jo-diskriminuese të bazuara në merita”, u shpreh Leavitt.

Sipas Sekretares, në vitin 2018 gjatë mandatit të parë të Trumpit, departamenti i transportit njoftoi se do t’i jepte fund përdorimit të pyetësorit biologjik që u prezantua nga administrata Obama, i cili dënonte aplikantët e aftë.

“Presidenti Trump do të vazhdojë t’i përmbushë premtimet e tij”, përfundoi ajo. 

karoline leavitt

Sondazh

Poll

MË SHUMË