Bota

Statistikat/ Rritet numri i qytetarëve të papunë në Gjermani, ekspertët: Dobësia ekonomike po lë shenja gjithnjë e më të thella! Fuqia punëtore në rënie

Sipas autoriteteve gjermane, rritja e ndjeshme e papunësisë në muajin janar i atribuohet pjesërisht përfundimit të shumë kontratave të punës në fund të vitit, ndërsa shumë vende pune humbasin edhe për shkak të kushteve atmosferike.

31 Janar 2025, 21:13 Nga B.Z
Statistikat/ Rritet numri i qytetarëve të papunë në
Foto ilustruese

GJERMANI - Numri i të papunëve në Gjermani shkoi në pothuajse tre milionë në janar, niveli më i lartë në gati dhjetë vjet, sipas agjencisë Federale të Punësimit (BA). Vetëm këtë muaj thuhet se janë regjistruar 2,993 milionë njerëz të papunë - 186,000 më shumë se në dhjetor. Pra raporothet se shkalla e papunësisë është rritur në 6,4 për qind.

Statistikat/ Rritet numri i qytetarëve të papunë në
Statistikat

Sipas autoriteteve gjermane, rritja e ndjeshme e papunësisë i atribuohet pjesërisht përfundimit të shumë kontratave të punës në fund të vitit, ndërsa shumë vende pune humbasin edhe për shkak të kushteve atmosferike. Mirëpo, nuk janë vetëm këta shkaktarët, shprehet kreu i Agjencisë, Andrea Nalles. Ai thotë se dobësia ekonomike po lë shenja gjithnjë e më të thella.

“Dobësia ekonomike po lë shenja gjithnjë e më të thella,” vuri në dukje ai, duke shtuar se kërkesa për fuqi punëtore është gjithashtu në rënie.

Në janar u raportuan 632,000 vende të lira pune, 66,000 më pak se një vit më parë. Nga ana e punëdhënësve, kryetari i shoqatës përkatëse, Rainer Dulger, foli për një “sinjal rreziku” në tregun e punës dhe theksoi se “është koha për veprim”.

gjermani

Sondazh

Poll

MË SHUMË