Bota

Përfshihet nga flakët hoteli më i vjetër luksoz në Zvicër, nuk ka të lënduar, klientët u evakuuan në kohë (VIDEO)

Menaxheri i hotelit, Pedro Nora tha se nuk ka të lënduar nga zjarri duke shtuar se klientët u dërguan në hotelet aty pranë.

30 Janar 2025, 14:40 Nga N.F
Përfshihet nga flakët hoteli më i vjetër luksoz në
Zjarri

ZVICËR- Një zjarr ka rënë mbrëmjen e djeshme në hotelin më të vjetër luksoz në Zvicër, në zemër të Gjenevës. Si pasojë e zjarrit mësohet se u evakuuan të gjithë personat në hotel. Zjarri ra në Four Seasons Hôtel des Bergues, një hotel me pesë yje që u hap në 1834 dhe është një nga më të famshmit e Gjenevës.


Menaxheri i hotelit, Pedro Nora tha se nuk ka të lënduar nga zjarri duke shtuar se klientët u dërguan në hotelet aty pranë. Zjarrfikësit përdorën vinça për të arritur te flakët në çati. Sipas transmetuesit publik RTS, zjarri ka shpërthyer rreth orës 21:30. Shkaku i zjarrit, i cili u vu shpejt nën kontroll, mbetet i panjohur. Ky hotel organizon rregullisht ngjarje të mëdha si ankandet e bizhuterive të Christie's.

zjarr ne hotel ne zvicer

Sondazh

Poll

MË SHUMË