Bota

Ngrihen akuza për rebelim ndaj Presidentit të shkarkuar koreano-jugor Yoon

Vendimi i tij i hapi udhën një periudhe të trazuar politike në Korenë e Jugut. Shpallja e gjendjes së jashtëzakonshme u shfuqizua shpejt nga ligjvënësit, të cilët më vonë votuan për shkarkimin e tij, duke pezulluar kompetencat presidenciale.

26 Janar 2025, 22:57 Nga I.A
Ngrihen akuza për rebelim ndaj Presidentit të shkarkuar koreano-jugor
Yoon Suk Yeol

KOREA E JUGUT- Prokuroria ngriti zyrtarisht akuza të dielën ndaj Presidentit të shkarkuar të Koresë së Jugut, Yoon Suk Yeol lidhur me vendimin e tij për shpalljen e gjendjes së jashtëzakonshme në 3 dhjetor, njoftuan avokatët e tij dhe partia kryesore opozitare. Ndaj tij u ngritën akuza për rebelim.

Nëse shpallet fajtor, për akuzat e ngritura ndaj tij parashikohet burgim për jetë ose dënim me vdekje. Përfaqësuesit ligjor të zotit Yoon e kritikuan ngritjen e akuzës si “vendimin më të keq” që mund të merrte prokuroria, ndërsa opozita e mirëpriti vendimin. Akuzat janë të lidhura me vendimin e zotit Yoon për shpalljen e gjendjes së jashtëzakonshme, sipas së cilit kërkohej ndalim i aktiviteti parlamentar dhe politik, si dhe kontroll i medias.

Vendimi i tij i hapi udhën një periudhe të trazuar politike në Korenë e Jugut. Shpallja e gjendjes së jashtëzakonshme u shfuqizua shpejt nga ligjvënësit, të cilët më vonë votuan për shkarkimin e tij, duke pezulluar kompetencat presidenciale. Yoon u arrestua në 15 janar. Përmes një deklarate të lëshuar sot, avokatët e tij i kërkuan prokurorisë lirimin e menjëhershëm të Presidentit të shkarkuar.

yoon suk yeol

Sondazh

Poll

MË SHUMË