Aktualitet

Tiranë/ Qarkullonte me pistoletë në makinë, arrestohet në flagrancë 28-vjeçari, procedohet penalisht shoku i tij (EMRI)

Policia bën me dije se në pranga ka rënë Durim Alpapa pasi është kapur në rrugën "Zyrih" Kamëz me pistoletë në makinë. Ndërkohë ka nisur procedimi penal për shokun e tij, A.D 21-vjeç, pasagjer në mjet pasi akuzohet për moskallzim krimi.

25 Janar 2025, 14:35 Nga B.Z

 

Tiranë/ Qarkullonte me pistoletë në makinë, arrestohet
Pamje nga arrestimi

 

TIRANË - Një 28-vjeçar është arrestuar nga Policia në Tiranë pasi lëvizte me armë zjarri në makinë. Policia bën me dije se në pranga ka rënë Durim Alpapa pasi është kapur në rrugën "Zyrih" Kamëz me pistoletë në makinë. Ndërkohë ka nisur procedimi penal për shokun e tij, A.D 21-vjeç, pasagjer në mjet pasi akuzohet për moskallzim krimi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.

Njoftimi i Policisë:

DVP Tiranë

Finalizohet operacioni policor i koduar “Flagranca”.

Goditet nga Forcat e Posaçme “Shqiponja” në bashkëpunim me Forcën Operacionale në DVP Tiranë, një tjetër rast i armëmbajtjes pa leje.

Mbante armë zjarri në makinë, kapet dhe vihet në pranga 28-vjeçari.

Procedohet penalisht një 21-vjeçar për “Moskallëzim krimi”.

Sekuestrohet në cilësinë e provës materiale arma e zjarrit pistoletë.

Forca e Posaçme “Shqiponja” në bashkëpunim me Forcën Operacionale në DVP Tiranë, në bazë informacioneve të siguruara nga inteligjenca policore se shtetasi D. A, qarkullonte me automjet dhe mbante armë zjarri në automjet, kanë organizuar dhe finalizuar operacionin policor të koduar “Flagranca”.

Si rezultat i veprimeve operacionale në rrugën “Zyrih” Kamëz, u bë kapja e shtetasit D. A., 28 vjeç, banues në Tiranë. Ky shtetas kur ka parë shërbimet e Policisë ka parkuar automjetin në anë të rrugës dhe ka qëndruar në makinë bashkë me një shtetas tjetër me qëllim shmangien e kontrollit të policisë.

Gjatë kontrollit të mjetit, shërbimet e Policisë gjetën e sekuestruan një armë zjarri pistoletë.

Në vijim të veprimeve, Specialistët për Hetimin e krimeve në Komisariatin e Policisë Nr. 5 bënë arrestimin në flagrancë të shtetasit D. A., 28 vjeç, banues në Tiranë për veprën penale “Mbajtja pa leje dhe prodhimi i armëve, armëve shpërthyese dhe i municionit”, si dhe proceduan penalisht në gjendje të lirë për veprën penale “Moskallëzimi i krimit”, shtetasin A. D., 21 vjeç, i cili u gjet brenda në mjetin e 28-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.

arrestim tirane

Sondazh

Poll

MË SHUMË