Bota

Tragjedia në resortin e skive në Turqi/ Të bllokuarit në hotel dalin në dritare, pamje tronditëse ku disa prej tyre hidhen nga lartësia për ti shpëtuar zjarrit (VIDEO)

Shumë persona humbën jetën teksa u hodhën nga dritaret e kateve të larta të hotelit për ti shpëtuar flakëve.

24 Janar 2025, 18:48 Nga N.F
Tragjedia në resortin e skive në Turqi/ Të bllokuarit në
Pamje nga vendi i ngjarjes

TURQI- Zjarri që shpërtheu në orët e para të së martës në një hotel në vendpushimin e skive në Turqi u mori jetën 79 personave. Ndërkohë disa ditë pas ngjarjes janë publikuar pamje të reja tronditëse nga vendngjarja. Një video që qarkullon në mediat turke tregon momentin ku personat që ndodheshin brenda dhomave të përfshira nga flakët dalin në dritare me fëmijët e tyre në duar.

Shumë persona humbën jetën teksa u hodhën nga dritaret e kateve të larta të hotelit për ti shpëtuar flakëve. Siç shihet edhe nga pamjet shihen persona të cilët i kërkojnë një personi që të mos hidhet nga dritarja dhe të durojë. Disa të tjerë bërtasin që të njoftohet zjarrfikësja.

Ai shihet se hedh ca gjëra nga sipër ndërsa kacavirret në dritare. Teksa personat i lutën që ai të mos hidhet, duket një person tjetër i cili hidhet nga dritarja nga e cila po del tym i zi. Autoritetet turke kanë arrestuar deri tani 9 persona, përfshirë pronarin e hotelit. Ndërkohë presidenti turk Rexhep Tajip Erdogan shpalli 22 Janarin ditë zie kombëtare.

zjarri ne turqi

Sondazh

Poll

MË SHUMË