Sport

Bayern, një hap larg rinovimit të parë: Davies do të nënshkruajë deri në 2029...

Në orët e fundit të së mërkurës u arrit një marrëveshje mes klubit dhe agjentit të lojtarit: Davies nuk do të lëvizë nga Gjermania…

18 Janar 2025, 09:00 Nga DOSJA

Bayern, një hap larg rinovimit të parë: Davies do të

GJERMANI - Alphonso Davies, nga të gjitha gjasat, do të qëndrojë në Mynih. Sipas informacioneve të raportuara nga Sky Sport DE, agjenti i kanadezit, Nick Huoseh, ka arritur praktikisht një marrëveshje me Bayernin për rinovimin dhe tashmë janë sqaruar disa detaje të rëndësishme financiare, ndërsa mbeten vetëm disa klauzola për t'u përcaktuar.

24-vjeçari së shpejti mund të nënshkruajë një kontratë deri në vitin 2029, duke zgjatur kështu marrëveshjen aktuale, e cila është e vlefshme deri më 30 qershor 2025.

Max Eberl dhe Christoph Freund kishin muaj që punonin për dosjen, ndërsa Manchester United dhe Real Madrid tashmë po prisnin një transferim të lirë në afatin kalimtar të verës së ardhshme. Dy klubet tashmë do të ishin informuar për zhvillimet dhe tani do të kishin pak shpresa.

Në pranverën e vitit 2024, Bayern i ofroi lojtarit një kontratë deri në vitin 2029 me një pagë bruto vjetore prej rreth 13-14 milionë euro, përfshirë bonuset. Davies dhe agjenti i tij, megjithatë, kërkonin 20 milionë plus bonuse dhe për këtë arsye klubi gjerman e kishte tërhequr ofertën e tij, me rrezikun e humbjes së tij në 2025 pa fituar asnjë euro.

Megjithatë, performanca e tij e kënaqshme e bindi klubin të rifillonte hapat e tij dhe të rihapte negociatat. U diskutua edhe të mërkurën, por në orët e fundit u arrit një marrëveshje mes palëve: Davies nuk do të lëvizë nga Gjermania.

B.T (Dosja.al)

Sondazh

Poll

MË SHUMË