Bota

"Los Angeles duket si një zonë lufte"! Biden premton se do të ndihmojë familjet e prekura nga zjarri

Biden gjithashtu është zotuar të ndihmojë të prekurit nga zjarret në Kaliforni, duke thënë se do të bëjë gjithçka që mundet për t’i kaluar ata nga ky makth i gjallë. 

10 Janar 2025, 19:47 Nga E. D
"Los Angeles duket si një zonë lufte"! Biden premton se do
Joe Biden 

KALIFORNI- Presidenti amerikan Joe Biden tha se Los Angeles, i cili është në mëshirën e zjarreve shkatërruese, duket si një zonë lufte.

"Më bëri të mendoj për një zonë lufte, me bombardime," tha Joe Biden gjatë një konferencë në Shtëpinë e Bardhë për zjarret në Los Anxhelos.

Biden gjithashtu është zotuar të ndihmojë të prekurit nga zjarret në Kaliforni, duke thënë se do të bëjë gjithçka që mundet për t’i kaluar ata nga ky makth i gjallë. 

“Për familjet e Kalifornisë Jugore të prekura nga kjo fatkeqësi: Unë e di që po përjetoni në një makth të vërtetë”, postoi ai në X, teksa shtoi duke thënë “premtoj se do t’ju ndihmojmë ta kaloni këtë periudhë dhe të rikuperonehi përfundimisht”.

Në një video që shoqëron postimin e tij, ai thotë; “ne po bëjmë gjithçka që mundemi në një nivel federal dhe ne do të sigurohemi që të merrni çdo burim që ju nevojitet”.

Biden thotë se ka miratuar kërkesën e guvernatorit të Kalifornisë, Gavin Newsom për një deklaratë të fatkeqësisë së madhe, që do të thotë ndihmë e menjëhershme në para për ata që janë më të prekurit.

Dhjetë persona kanë humbur jetën nga zjarret, ndërsa mijëra hektarë dhe shtëpi janë bërë hi. Ekspertët paralajmërojnë se zjarri nuk do të shuhet nëse nuk ndryshon moti. Mirëpo, në mes të gjithë kësaj situate tragjike kishte edhe nga ata që plaçkitën rrënojat dhe shtëpitë e braktisura.

Autorët hyjnë në shtëpi dhe rrëmbejnë gjithçka gjejnë përpara.  Në fakt, siç është bërë e ditur, deri dje (1/9) ishin bërë 20 arrestime nga autoritetet,  por autorët janë shumë më tepër. Autoritetet shpallën një shtetrrethim për të kontrolluar plaçkitjen. 

joe biden 

Sondazh

Poll

MË SHUMË