Sport

Talenti spanjol i jep lamtumirën futbollit profesionist në moshën 24-vjeçare!...

Pedro Ruiz Delgado largohet nga futbolli profesionist për shkak të dëmtimeve

31 Dhjetor 2024, 08:01 Nga DOSJA

Talenti spanjol i jep lamtumirën futbollit profesionist në moshën

SPANJE - Pedro Ruiz Delgado tërhiqet nga futbolli profesionist. Në moshën vetëm 24-vjeçare, sulmuesi spanjol ka vendosur të thotë mjaft, pas dëmtimeve të shumta që ka pësuar dhe këtë e ka bërë të ditur në kanalet e tij sociale.

I linduri në vitin 2000, i cili u rrit në sektorët e të rinjve të Betisit dhe Real Madridit, ai u ble nga Marseille në 2021 me etiketën e një lojtari të ri premtues (ai kishte shënuar 9 gola në 10 ndeshje të Ligës Rinore), por nuk ishte në gjendje të luante kurrë për shkak të problemeve fizike, të cilat e detyruan t'i nënshtrohej disa operacioneve në gju.

“Futboll, unë të dhashë gjithçka dhe t’i më dhe gjithçka. Faleminderit!", ka shkruar tashmë ish-lojtari në llogarinë e tij në Instagram për të bërë të ditur lajmin.

Pas 3 vitesh kontratë me OM dhe një huazimi të pasuksesshëm në NEC Nijmegen në sezonin 2021-22 (vetëm 3 paraqitje, të vetmet mes profesionistëve), lojtari u largua nga Marseille në verë dhe tani po largohet përgjithmonë.

 
 
 
 
 
View this post on Instagram
 
 
 
 
 
 
 
 
 
 
 

A post shared by Pedro Ruiz Delgado (@pedritord9)

B.T (Dosja.al)

Sondazh

Poll

MË SHUMË