Bota

Estonia fillon patrullimet detare për të mbrojtur kabllon e energjisë pas sabotimit të dyshuar

Kablloja nëndetëse Estlink 2 u shkëput nga rrjeti të mërkurën, pak më shumë se një muaj pasi dy kabllo telekomunikacioni u shkëputën në ujërat territoriale suedeze në Detin Baltik. 

27 Dhjetor 2024, 14:15 Nga E. D
Estonia fillon patrullimet detare për të mbrojtur kabllon e
foto ilustruese

ESTONI- Ministri estonez i Mbrojtjes, Hanno Pevkur ka njoftuar se Estonia ka filluar patrullimet detare për të mbrojtur një kabllo që furnizohet me energji elektrike nga Finlanda, pas sabotimit të dyshuar të një tjetër kablloje në ditën e Krishtlindjeve. 

“Ne kemi vendosur të dërgojmë marinën tonë pranë Estlink 1 për të mbrojtur dhe siguruar lidhjen tonë energjetike me Finlandën”, tha Pevkur.

Bëhet e ditur se kablloja nëndetëse Estlink 2 u shkëput nga rrjeti të mërkurën, pak më shumë se një muaj pasi dy kabllo telekomunikacioni u shkëputën në ujërat territoriale suedeze në Detin Baltik. Autoritetet finlandeze deklaruan se po hetonin një cisternë nafte që lundroi nga një port rus në lidhje me sabotimin e dyshuar.

Anija Eagle S, e cila fluturon nën flamurin e Ishujve Cook në Paqësorin Jugor, ishte rrugës për në Portin Said në Egjipt. Supozimi për momentin është se është një anije e flotës hije ruse, e cila i referohet anijeve që transportojnë produkte të papërpunuara,që janë embargo si rezultat i pushtimit rus të Ukrainës.

Policia dyshon se spiranca e cisternës së naftës mund të ketë dëmtuar kabllon e rrymës. Ministri i Jashtëm i Estonisë, Margus Tsahkna, tha: “Dëmtimet në infrastrukturën kritike nënujore janë bërë aq të shpeshta sa është e vështirë të besohet se janë aksidente ose thjesht manovra detare”.

hanno pevkur

Sondazh

Poll

MË SHUMË