Bota

Orban përmend dy opsione për t'i dhënë fund konfliktit në Ukrainë: Ose palët negociojnë, ose njëra prej tyre do të shkatërrohet

Ai tha se në një periudhë të tillë një komb është me fat që nuk rrëshqet ekonomikisht, siç kanë bërë shumë anëtarë të BE-së.

24 Dhjetor 2024, 15:44 Nga E. D
Orban përmend dy opsione për t'i dhënë fund konfliktit
Viktor Orban

UKRAINË- Kryeministri hungarez Viktor Orban, ka thënë se konflikti në Ukrainë do të zgjidhet në një mënyrë ose në një tjetër vitin e ardhshëm. Ai tha se në një periudhë të tillë një komb është me fat që nuk rrëshqet ekonomikisht, siç kanë bërë shumë anëtarë të BE-së.

“Lufta do të përfundojë në vitin 2025. Ose përmes negociatave të suksesshme të paqes ose me shkatërrimin e njërës prej palëve luftarake. Në vitin 2025 do të kthehet politika e paqes në vend të politikës së luftës dhe do të kemi sërish suksese të mëdha ekonomike”, u shpreh Orban.

Gjithashtu Kryeministri i Hungarisë thekson se pas luftës do të hapet rruga drejt rimëkëmbjes ekonomike dhe suksesit. Po ashtu Kryeministri hungarez nuk shpjegoi se cila palë besonte se mund të “shkatërrohet” në vitin 2025.

Presidenti i ardhshëm i SHBA-ve Donald Trump ka argumentuar se si Ukraina ashtu edhe Rusia duhet të kërkojnë të ndalojnë gjakderdhjen. Ai ka deklaruar synimin e tij për të lehtësuar një armëpushim me marrjen e detyrës në janar. Orban, i cili e mbështeti Trump gjatë garës presidenciale, ka shprehur besimin në aftësinë e këtij të fundit për të arritur.

viktor orban

Sondazh

Poll

MË SHUMË