Sport

5.000 veta në korr në stadium thërrasin emrin e Mussolinit…

Nuk ka asnjë lidhje me politikën në këtë ngjarje. Sepse tifozët e Juve Stabia-s festuan golin e parë, mes profesionistëve, të sulmuesit të talentuar të krahut, Romano Floriani Mussolini, i ardhur në ekipin verdheblu si huazim nga Lazio.

22 Dhjetor 2024, 16:49 Nga DOSJA
5.000 veta në korr në stadium thërrasin emrin e

ITALI - Pesë mijë persona duke thirrur emrin e Mussolinit në një moment feste. Kjo ndodhi këtë pasdite në Castellammare di Stabia gjatë ndeshjes midis Juve Stabia-s dhe Cesena-s, e vlefshme për javën e 18-të të kampionatit të Serisë B.

Por, kujdes! Nuk ka asnjë lidhje me politikën në këtë ngjarje. Sepse tifozët e Juve Stabia-s festuan golin e parë, mes profesionistëve, të sulmuesit të talentuar të krahut, Romano Floriani Mussolini, i ardhur në ekipin verdheblu si huazim nga Lazio.

Sot ai realizoi një gol të shkëlqyer me kokë, duke e dërguar topin në cep të portës pas një krosimi të mrekullueshëm nga Piscopo. Ky gol vendosi fatin e pjesës së parë, me vendasit që kryesonin 1-0.

Folësi i stadiumit krijoi një atmosferë akoma më të zjarrtë, duke nxitur tribunat dhe të gjithë sektorët e stadiumit të thërrisnin me zë të lartë emrin e golashënuesit, ndërkohë që ai festonte me shokët e ekipit për një gol që mund ta projektojë Juve Stabia-n në zonën e playoff-it, me një diferencë të dukshme nga vendi i pestë nga fundi.

Floriani Mussolini, djali i politikanes dhe aktores së njohur, Alessandra Mussolini, ka zhvilluar një fazë të parë të kampionatit shumë pozitive nën drejtimin e trajnerit Guido Pagliuca, duke u dalluar si një nga të rinjtë më premtues të kategorisë së dytë.

B.T (Dosja.al)

Sondazh

Poll

MË SHUMË