Aktualitet

I mori me dhunë një shumë parash dhe dy telefona klientit, vihet në pranga taksisti në Tiranë

Klienti ka kallëzuar vjedhjen në polici dhe më pas është bërë e mundur vënia në pranga e taksistit i cili akuzohet për veprën penale “Vjedhje me dhunë”.

22 Dhjetor 2024, 10:30 Nga r.ll
I mori me dhunë një shumë parash dhe dy telefona klientit, vihet
foto ilustruese

TIRANË- Një taksist 29-vjeçar është arrestuar nga policia pasi i ka vjedhur një shumë parash dhe telefona klientit. 29-vjeçari në orët e para të mëngjesit të ditës së djeshme, ka marrë në taksinë e tij 20-vjeçarin me iniciale Xh.H, dhe gjatë udhëtimit, ka ndaluar mjetin në një rrugë të pabanuar në afërsi të lagjes së Çollakëve.

Pasi kanë ndaluar, taksisti i ka marrë me dhunë të riut një shumë parash dhe 2 aparate celularë dhe më pas e ka zbritur nga taksia dhe është larguar. Klienti ka kallëzuar vjedhjen në polici dhe më pas është bërë e mundur vënia në pranga e taksistit i cili akuzohet për veprën penale “Vjedhje me dhunë”.

NJOFTIMI I POLICISË: 

Tiranë

Finalizohet nga Komisariati Nr.1, operacioni policor i koduar “Night”.

I mori me dhunë një shumë parash dhe dy aparate celularë klientit në taksinë me të cilën po udhëtonte, kapet dhe vihet në pranga drejtuesi i taksisë.

Komisariati i Policisë Nr. 1, pas marrjes së kallëzimit nga një 20 vjeçar i cili kallëzoi se taksisti me të cilin udhëtonte në taksi i kishte marrë me dhunë një shumë parash dhe dy aparate celular, menjëherë kanë organizuar punën për kapjen e autorit të dyshuar.

Si rezultat i veprimeve të shpejta dhe profesionale është ndaluar nga shërbimet e Komisariatit Nr.1, shtetasi A.P, 26 vjeç,

Ky shtetas, orët e para të ditës të mëngjesit të ditës së djeshme, ka marrë në taksinë që drejtonte shtetasin Xh.H, 20 vjeç, dhe gjatë udhëtimit, ka ndaluar mjetin në një rrugë të pabanuar në afërsi të lagjes së Çollakëve, dhe i ka marrë me dhunë shtetasit Xh.H një shumë parash dhe 2 aparate celularë dhe më pas e ka zbritur nga taksia dhe është larguar.

Në vijim të veprimeve u bë ndalimi i shtetasit A. P., 26 vjeç, për veprën penale “Vjedhje me dhunë”.

Materialet i kaluan Prokurorisë, për veprime të mëtejshme procedurale.

vjedhje ne tirane operacioni night

Sondazh

Poll

MË SHUMË