Aktualitet

Do grabisnin dhe do vrisnin dhëndrin e ish-kryebashkiakut të Elbasanit, GJKKO dënon me 27 vite burg Ilirian Feçin, Elvis Koçin dhe Agim Gjinin

Vendimi u mor nga gjyqtari Ardit Mustafaj, i cili miratoi kërkesën e Prokurorisë së Posaçme. Të dënuarit u gjykua me procedurë të shkurtuar dhe do të përfitojë zbritjen me 1/3 e dënimit.

20 Dhjetor 2024, 14:11 Nga N.F
Do grabisnin dhe do vrisnin dhëndrin e ish-kryebashkiakut të
Elvis Koçi, Sokol Sanxhaktari dhe Ilirian Feci

TIRANË- Gjykata e Posaçme ka marrë vendimin ditën e sotme duke dënuar me 27 vite burgim në total 3 persona të akuzuar për grabitje dhe sigurim kushtesh për vrasje. Ilirian Feçi, Elvis Koçi dhe Agim Gjini akuzohen për "vjedhje me dhunë"dhe "sigurim kushtesh për të kryer vrasje". Të dënuarit do grabisnin dhe do vrisnin Sokol Sanxhaktarin, dhëndrin të ish-kryebashkiakut të Elbasanit, Qazim Sejdini. 

Vendimi u mor nga gjyqtari Ardit Mustafaj, i cili miratoi kërkesën e Prokurorisë së Posaçme. Të dënuarit u gjykua me procedurë të shkurtuar dhe do të përfitojë zbritjen me 1/3 e dënimit. Ndërkohë mësohet se Elvis Koçi është dënuar me 7 vite burg, për akuzat “kryerja e veprave penale nga grupi i strukturuar kriminal dhe organizata kriminale” dhe “sigurim i kushteve dhe i mjeteve materiale për të kryer vrasje”, në dëm të Sokol Sanxhaktari në periudhën 25-30 Korrik 2020 në qytetin e Elbasanit.

Ilirian Feçi u dënuar me 10 vite burg, për “vjedhje me dhunë”, në dëm të Skënder Roshi, e kryer në Kavajë në datën 28.04.2011 kryer në bashkëpunimin e posaçëm në formën e grupit të strukturuar kriminal. Agim Gjini u dënua me 10 vite burg, për “vjedhje me dhunë” në dëm të Astrit Ademi, e kryer në datën 31 Maj 2013, në fshatin Marikaj Bashkia Vorë.

sokol sanxhaktari elvis koci ilirian feci

Sondazh

Poll

MË SHUMË