Aktualitet

"Kemi arritur në një pikë ku gjërat nuk mbajnë më", Malkaj: Jeni rralluar, por jemi akoma këtu derisa gjërat të vihen në vendin e vet!

Gjatë fjalës së tij Malkaj u shpreh se janë rralluar po janë akoma në protestë edhe pse ua kanë bërë kurrizin copë.

20 Dhjetor 2024, 12:16 Nga N.F
"Kemi arritur në një pikë ku gjërat nuk mbajnë
Malkaj

TIRANË- Aktori i njohur, Mehdi Malkaj ka marrë pjesë ditën e sotme në protestën e radhës të mbajtur para bashkisë së Tiranës. Gjatë fjalës së tij Malkaj u shpreh se janë rralluar po janë akoma në protestë edhe pse ua kanë bërë kurrizin copë.

Ai shtoi se është arritur në një pikë ku gjërat nuk mbajnë më. Aktori theksoi se kanë një kuazë dhe do të dalin në protestë derisa gjërat të vihen në vendin e vet.

"Tungjatjeta të gjithëve, zonja dhe zotërinj, zotërinj policë. Për ju kam një pyetje: a nuk e keni kuptuar ende kë po mbroni? A nuk e keni kuptuar akoma dhe rrini këtu në shi, në borë, në breshër? A nuk e keni kuptuar që është një bastard, një kriminel, një hajdut, një qelbësirë, një… një… një që i ka të gjitha? Dhe ju prapë rrini këtu? Dhe keni frikë nga ne?

Keni frikë nga ne, që vijmë këtu buzagaz, vijmë të qeshur, vijmë për të drejtat tona, të cilat janë edhe të drejtat tuaja. Çfarë bëni, more zotërinj? Jeni rralluar, por jeni akoma këtu për të na e bërë kurrizin copë.

Është turp për ju! Zonja dhe zotërinj, kemi arritur në një pikë ku gjërat nuk mbajnë më. Ne nuk lëvizim, sepse kemi një kauzë. Ne do të rrimë këtu, në shi, në breshër, në borë, derisa gjërat të vihen në vendin e vet," tha Malkaj.

malkaj protesta para bashkise tirane

Sondazh

Poll

MË SHUMË