Sport

Mbappe: “Nëse nuk do të shkoja te Reali, do të kisha qëndruar te PSG-ja gjithë jetën”

Gjatë një interviste për beIN Sports, Kylian Mbappé ka folur për kalimin e tij te Real Madrid. Sulmuesi madrilen përmend admirimin e tij për klubin Merengue, por edhe respektin e tij për PSG-në, "një nga klubet më të mëdha në botë".

19 Dhjetor 2024, 17:36 Nga DOSJA

Mbappe: “Nëse nuk do të shkoja te Reali, do të kisha

SPANJE - Kylian Mbappé u shfaq në beIN Sports të mërkurën, vonë në mbrëmje. Si pjesë e një interviste të fokusuar në punën e tij për të rinjtë dhe fondacionin e tij.

Frymëzuar nga KM, ylli diskutoi futbollin me adoleshentët, që ishin për ta marrë në pyetje. Shpejt, u ngrit tema e largimit të tij nga PSG te Real Madrid këtë verë dhe francezi ishte plot lëvdata për ish-klubin e tij.

“Kam kaluar shtatë vite te PSG dhe ishte një nder. Nuk mendoj se e kam thënë mjaftueshëm, nuk e kam treguar mjaftueshëm, por gjithmonë kam qenë i vetëdijshëm për pozicionin tim dhe për klubin e madh që është PSG. Gjithmonë kam thënë se është klubi më i madh në Francë dhe një nga më të mirët në botë”.

I pyetur për vendimin e tij për t'u larguar nga një klub që e admiron aq shumë, fituesi i fundit i Kupës Ndërkontinentale siguron se vetëm Real Madridi mund ta ndryshojë atë.

“Unë shkova në klubin më të madh në botë,- u justifikua ai. - Gjithmonë kam thënë se ishte i vetmi klub për të cilin do të isha larguar nga PSG. Nëse nuk do të kisha mundur të shkoja te Real Madrid, do të kisha qëndruar te PSG gjithë jetën”.

Ish-monegasku pohon se ende i shikon ndeshjet e ish-skuadrës së tij dhe se mbetet një mbështetës i zjarrtë. Përpara se të ftojë të gjithë pjesëmarrësit e rinj të spektaklit të vijnë dhe ta shohin duke luajtur në Spanjë, në stadiumin e tij të ri Santiago Bernabeu.

B.T (Dosja.al)