Aktualitet

U kapën në flagrancë me 60 kg drogë, arrestohen 3 shqiptarë në Itali

Të arrestuarit rezultojnë të jenë pa precedentë penalë ndërsa tani akuzohen për posedim të lëndëve narkotike me qëllim trafikimin.

18 Dhjetor 2024, 11:04 Nga N.F

U kapën në flagrancë me 60 kg drogë, arrestohen 3

ITALI- Autoritetet italiane kan vënë në pranga tre shqiptarë. Mësohet se arrestimi i tyre ka ardhur pasi u kapën në flagrancë më 60 kilogramë lëndë narkotike. Të arrestuarit rezultojnë të jenë pa precedentë penalë ndërsa tani akuzohen për posedim të lëndëve narkotike me qëllim trafikimin.

Gjatë një postblloku, patrulla e policisë ndaloi një automjet me targa shqiptare, që shërbente për transportin e personave, në të cilin udhëtonin tre personat. Kur u pyet për destinacionin e mjetit, shoferi nuk ishte në gjendje të jepte një përgjigje të vlefshme.


Nisur nga qëndrimi evaziv dhe nga përgjigjet e dhëna, policët kryen një kontroll të brendshëm të mjetit, në të cilin ishin vendosur disa valixhe dhe qese plastike. Në disa prej tyre u gjetën 60 pako kokaine të mbyllura me nxehtësi, për një total prej 60 kg lëndë narkotike. Të tre burrat u arrestuan dhe u dërguan në burgun e Brescias. 

arrestohen tre shqiptare ne itali me droge

Sondazh

Poll

MË SHUMË