Bota

Vrasja e kreut të Forcave të Mbrojtjes Bërthamore ruse, arrestohet në Moskë autori i dyshuar, FSB: Në pranga një 29-vjeçar nga Uzbekistani

Pas identifikimit ai u arrestua pranë një ndërtese në Ryazansky Prospekt në Moskë.

18 Dhjetor 2024, 08:14 Nga N.F
Vrasja e kreut të Forcave të Mbrojtjes Bërthamore ruse,
Igor Kirillov

RUSI- Një 29-vjeçar është vënë në pranga për vrasjen e kreut të forcave të armëve kimike të ushtrisë ruse, Igor Kirillov. Lajmi u njoftua të mërkurën në mëngjes nga autoritetet ruse. Siç raporton TASS, 29-vjeçari ishte rekrutuar nga Kievi.

Në njoftimin e autoriteteve ruse thuhet se si rezultat i hetimeve të kryera nga FSB së bashku me Ministrinë e Punëve të Brendshme Ruse dhe Komitetin Hetimor Rus u arrestua një shtetas i Republikës së Uzbekistanit, i lindur në vitin 1995. Sipas njoftimi ai kishte shpërthyer një mjet të improvizuar. Pas identifikimit ai u arrestua pranë një ndërtese në Ryazansky Prospekt në Moskë.

Ekzekutimi i Kirillov nga shërbimet sekrete ukrainase me një bombë në një skuter që kishin lënë jashtë hyrjes së një pallati në një lagje të Moskës ka shkaktuar bujë globale. Sipas agjencisë ruse të lajmeve Tass, sulmuesit përdorën 300 gram TNT në bombë, një sasi eksplozivi që mund të futej ose në dorezat e skuterit elektrik ose të vendosej në një vend ku nuk ishte i dukshëm. Ekspertët shpjegojnë se 300 gramë eksploziv mjaftojnë për të vrarë këdo që ishte më pak se një fshesë e gjatë nga patina.

igor kirillov kiev arrestohet autori i dyshuar

Sondazh

Poll

MË SHUMË