Bota

Për çfarë po përgatitet Suedia? Kisha në Goteborg do të bëjë gati varrezën masive për 30 mijë ushtarë të rënë në luftë

Forcat e Armatosura suedeze vlerësojnë se të paktën 10 hektarë tokë duhet të përgatiten për një "fatkeqësi të madhe ose luftë", por ende është e paqartë saktësisht se ku do të vendosen varrezat.

15 Dhjetor 2024, 18:51 Nga r.ll
Për çfarë po përgatitet Suedia? Kisha në Goteborg do
foto ilustruese

SUEDI- Kisha e Suedisë në Goteborg është udhëzuar të përgatitet për mundësinë e varrosjes së 30,000 ushtarëve të rënë në një periudhë të shkurtër në rast lufte ose një "katastrofe të madhe".

Udhëheqësit suedezë kohët e fundit janë përpjekur të japin mesazhin se Suedia tashmë është në luftë me Rusinë, ose të paktën se lufta mund të bëhet shumë shpejt realitet, shkruan Nordic Times. 

Në këtë sfond, Agjencia Suedeze e Kontigjencave Civile (Myndigheten för samhällsskydd och beredskap) u ka kërkuar gjithashtu kishave dhe drejtorëve të funeralit suedez të përgatisin dhe të sigurojnë tokën që të mund të varrosin një numër numërtë madh të vdekurish brenda një kohe të shkurtër.

“Ne duhet të përgatitemi për t'u marrë me ushtarët e rënë dhe është krejt e re për ne që të fillojmë të ndërtojmë gatishmëri për këtë tani”, thotë Katarina Evenseth nga Shoqata e Varrimit të Goteborgut.

Forcat e Armatosura suedeze vlerësojnë se të paktën 10 hektarë tokë duhet të përgatiten për një "fatkeqësi të madhe ose luftë", por ende është e paqartë saktësisht se ku do të vendosen varrezat.

"Ajo që është unike për varret e luftës dhe varret e ushtarëve është se ata gjithashtu duhet të jenë në gjendje të kujdesen dhe përfundimisht të kthehen në vendet e tyre të lindjes ose në vendlindjet kur gjërat të jenë përsëri të qeta", shpjegon Evenseth.

suedi

Sondazh

Poll

MË SHUMË