Bota

Rënia e regjimit të Bashar al-Assad, ish-drejtori i burgut në Damask po përballet në SHBA me ndjekje penale për torturë

Samir Usman Alsheikh, i cili ishte drejtor i burgut famëkeq Andra para se të shpërthente lufta në Siri, akuzohet nga Uashingtoni se u ka shkaktuar "dhimbje të mëdha fizike dhe mendore" të burgosurve, ose duke i urdhëruar ata të torturohen ose duke i torturuar vetë.

13 Dhjetor 2024, 09:37 Nga N.F
Rënia e regjimit të Bashar al-Assad, ish-drejtori i burgut në
Foto ilustruese

SHBA- Një shtetas sirian, drejtor i një burgu në Damask nga viti 2005 në 2008, tashmë i burgosur në Shtetet e Bashkuara, po përballet me ndjekje penale nga drejtësia amerikane për tortura disa ditë pas rënies së regjimit të Bashar al-Assadit në Siri. 

Samir Usman Alsheikh, i cili ishte drejtor i burgut famëkeq Andra para se të shpërthente lufta në Siri, akuzohet nga Uashingtoni se u ka shkaktuar "dhimbje të mëdha fizike dhe mendore" të burgosurve, ose duke i urdhëruar ata të torturohen ose duke i torturuar vetë. sqaron një deklaratë e Ministrisë së Drejtësisë. 72-vjeçari akuzohet gjithashtu për dërgimin e të burgosurve në një vend të posaçëm ku i varnin nga tavani dhe i rrihnin ose i detyronin të mbanin gjymtyrët e poshtme në kënd të drejtë, një teknikë torture e njohur si chaise allemande.


Samir Usman Alsheikh kishte shërbyer gjithashtu si kreu i qeverisë lokale në provincën Deir Ezzor në vitin 2011. Ai shkoi në SHBA në vitin 2020 dhe aplikoi për shtetësi amerikane në vitin 2023. Ai u arrestua dhe u akuzua në korrik 2024 në Los Anxhelos për gënjeshtra ndaj Autoritetet amerikane për të kaluarën e tij për të siguruar një leje qëndrimi.

Nicole Argentieri, një zyrtar i lartë i Departamentit të Drejtësisë të SHBA tha se ish-drejtori i burgut është akuzuar për torturimin e disidentëve politikë dhe të burgosurve të tjerë për të shuar rezistencën ndaj regjimit të presidentit të atëhershëm Bashar al-Assad.

"Viktimat (...) vazhdojnë të vuajnë për një kohë të gjatë edhe pasi tortura e tyre fizike ka përfunduar," shtoi ai. Ish-drejtori rrezikon një dënim me burg prej disa dekadash.

renia e regjimit te bashar al-assad samir usman alsheikh

Sondazh

Poll

MË SHUMË