Sport

Tashmë është zyrtare, Van Nistelrooy është trajneri i “Dhelprave”!

Jam i emocionuar të nis dhe të njoh të gjithë dhe të jap gjithçka që mundem për klubin."

29 Nëntor 2024, 22:45 Nga DOSJA
Tashmë është zyrtare, Van Nistelrooy është trajneri i

ANGLI - Ruud van Nistelrooy është konfirmuar si trajneri i ri i Leicester City. 48-vjeçari pason Steve Cooper, i cili u shkarkua pas humbjes 2-1 të klubit në shtëpi kundër Chelsea të shtunën e kaluar, duke nënshkruar një kontratë deri në qershor të vitit 2027. Van Nistelrooy nuk do të marrë drejtimin e ekipit për ndeshjen kundër Brentford, të shtunën, por ndaj West Ham United, në King Power Stadium.

"Jam krenar, jam i emocionuar. Çdo njeri me të cilin kam folur për Leicester City-n është entuziast. Ata kanë histori të shkëlqyera për cilësinë e njerëzve që punojnë në klub, tifozët dhe, sigurisht, historia e fundit e klubit është mbresëlënëse. Jam i emocionuar të nis dhe të njoh të gjithë dhe të jap gjithçka që mundem për klubin."

Van Nistelrooy shkon te Leicesteri pak pas periudhës së tij si trajner i përkohshëm në katër ndeshje për Manchester United pas shkarkimit të Erik ten Hag. Ai fitoi tri nga këto katër ndeshje — dy prej tyre kundër Leicester të Cooper — dhe barazoi një të tretën 1-1 në shtëpi kundër Chelsea-t.

B.T (Dosja.al)

Sondazh

Poll

MË SHUMË