Sport

Trajneri Bërdariç: “Vllaznia sot ndaj Bylisit, vetëm për fitore!”

Në “Adush Muça” të Ballshit, Bylis dhe Vllaznia do të nisin të premten (13.30), javën e 15-të të Abissnet Superiore.

29 Nëntor 2024, 09:30 Nga DOSJA
Trajneri Bërdariç: “Vllaznia sot ndaj Bylisit, vetëm

SHKODER - Në vigjilje të këtij dueli, të premten në konferencë për shtyp doli trajneri Tomas Brdariç. Numri një i pankinës të ekipit shkodran ka vlerësuar në maksimum kundërshtarin, duke u kërkuar të tijve të mos e gjykojnë në bazë të pozicionit në renditje.

“Kemi një objektiv për ndeshjen e nesërme në Ballsh dhe sot jemi mes përgatitjeve dhe festës. Është një ndeshje komplet ndryshe, disa javë më parë ata kanë marrë një trajner me eksperiencë si Nevil Dede dhe duhet të përgatitemi sa më shumë për ndeshjen e nesërme”,- tha tekniku gjerman.

“I kemi cilësitë dhe stilin e lojës, na pret një ndeshje e vështirë dhe duhet të jemi të fokusuar për 90 minuta. Ne e dimë situatën tonë, jemi duke u rritur çdo ditë. Duhet të kemi balancë në sulm dhe mbrojtje, duhet të jemi fizikisht dhe psikologjikisht të përgatitur, të disiplinuar, sidomos në mbrojtje dhe të mos i japim mundësi kundërshtarit, na duhet një performancë e mirë nesër”,- komentoi Bërdariç.

B.T (Dosja.al)

Sondazh

Poll

MË SHUMË