Bota

Një avion i vogël me gjashtë persona u rrëzua pranë kryeqytetit të Kosta Rikës, 5 të vdekur

Avioni, një Cessna 206 Stationair, u rrëzua pranë malit Pico Blanco pak pas mesditës pasi avioni humbi komunikimin dhe u zhduk nga radari.

26 Nëntor 2024, 07:45 Nga ZH.LL
Një avion i vogël me gjashtë persona u rrëzua pranë
Cessna 206 Stationair,

KOSTA RIKA- Një aeroplan i vogël me gjashtë persona në bord u rrëzua të hënën në juglindje të kryeqytetit të Kosta Rikës, San Jose, duke lënë pesë të vdekur, tha Kryqi i Kuq.

Mësohet se një 31-vjeçare ndodhet në gjendje kritike për jetën.

Avioni, një Cessna 206 Stationair, u rrëzua pranë malit Pico Blanco pak pas mesditës pasi avioni humbi komunikimin dhe u zhduk nga radari.

Çfarë dimë për përplasjen?

Ekipet e kërkim-shpëtimit gjetën rrënojat në shpatin e malit dhe mbërritën në vendin e aksidentit pas disa orësh përpjekjesh për të hyrë në shpatet e pjerrëta të pyllëzuara.

Avioni, i cili ishte nisur nga Tortuguero, ishte planifikuar të ulej në aeroportin Tobias Bolanos, në lindje të San Jose, por për shkak të kushteve të këqija atmosferike ai duhej të devijohej në aeroportin Juan Santamaria.

Një raport zyrtar për shkakun e rrëzimit ende nuk është bërë e ditur.

Pasagjerët e avionit ishin të gjithë nga Kosta Rika dhe punonin në kompani turistike, thanë raportet lokale./ AP, Reuters

avioni kosta rika rrezohet avioni 6 pasagjere

Sondazh

Poll

MË SHUMË