Art&Argëtim

“Më shpëtoi një vajzë shqiptare”/ Rrëfimi i Elsa Lilës: Në burg tentuan të më vrisnin, nuk i them dot emrat e klanit

Por sipas Lilës, në ambientet e burgut ishte njohur me një vajzë shqiptare, e cila e kishte marrë në mbrojtje.

13 Nëntor 2024, 12:30 Nga I.A
“Më shpëtoi një vajzë shqiptare”/ Rrëfimi i
Elsa Lila

TIRANË- Këngëtarja e njohur shqiptare Elsa Lila ka publikuar librin e saj të parë, "Mirë se vini në Rebibbia". Për të bërë promovimin e librit të saj, Elsa Lila ka dhënë një intervistë për gazetaren Rudina Xhunga në Dritare Tv, ku edhe rrëfeu se gjatë kohës që ishte në qelinë e burgut, një grua tjetër kishte tentuar që ta vriste. Por sipas Lilës, në ambientet e burgut ishte njohur me një vajzë shqiptare, e cila e kishte marrë në mbrojtje.

Pjesë nga intervista: 

Elsa Lila: Isha në 41bis dhe nuk komunikoja dot me askënd jashtë. Nuk përmend dot emrat as të klanit që ishte aty brenda që mua më mbrojti...

Por ishte një klan që ty të thirri dhe të tha...?

Elsa Lila: Ishte një klan, i cili, nëpërmjet vajzës shqiptare më dha akses dhe mbrojtje.

Sepse nëse nuk ke mbrojtje mund të ndodhë siç ty të ndodhi që erdhën të të vrisnin?

Elsa Lila: Po! Atje mund të ndodhë çdo gjë. Pata akses në disa njerëz që më dhanë mbrojtje. Atje mund të ndodhë çdo gjë. Sepse ka të dënuara me faj që nuk kanë as ekuilibër psiqik dhe mund të të dëmtojnë, por jo sepse e kanë problemin me ty. Rastësia e deshi që unë të gjeja disa persona aty brenda, si vajza shqiptare dhe dy gardianet që më mbrojtën aty brenda. Më mbushën me forcë, me kurajo dhe le të themi edhe që nuk kam pasur një jetë të thjeshtë. Nuk vij nga një jetë përrallash. Kam pasur një jetë jashtë të zakonshmes.

elsa lila

Sondazh

Poll

MË SHUMË