Politike

"Kriminelët e SPAK marrin 7 mijë euro rrogë!"/ Berisha: Altin Dumani, tregoju shqiptarëve kush të ka blerë ty me apartament

Berisha u shpreh se, Dumani ka tre apartamente të deklaruara që nga viti 2016, gjë që ai e konsideron të pamundur për një punonjës me rrogë shteti.

9 Nëntor 2024, 19:46 Nga I.A
"Kriminelët e SPAK marrin 7 mijë euro rrogë!"/ Berisha:
Sali Berisha

TIRANË- Kryetari i PD, Sali Berisha iu drejtua me tone të ashpra kryeprokurorit të SPAK, Altin Dumani për korrupsion dhe përfitime të paligjshme. Berisha u shpreh se, Dumani ka tre apartamente të deklaruara që nga viti 2016, gjë që ai e konsideron të pamundur për një punonjës me rrogë shteti.

"A mundet o miq që Altin Dumani që në vitin 2016 ka të deklaruara 3 apartamente me rrogë shteti, ju garantoj ju se një punonjës i ndershëm me rrogë shteti nuk blen dot kurrë më shumë se një garsionere nga vitet 1992 në vitet 2016. Jo, nuk blen dot më shumë. Kurse Dumani gjendet me 3 apartamente dhe mashtron e thotë se e kam dhuratë. Nga kush e ke dhuratë ti mor? A ka ligje mor? Po ku ka ligj që të lejon të marrësh apartamentin dhuratë o gënjeshtar, o kriminel?

Ku ka ligj? Kush të ka blerë ty me apartamentin, thuaju shqiptarëve? Kush të ka blerë ty o peng i Edi Ramës, dhe do të dalësh ti. Altin Dumani, thuaju shqiptarëve, kush të bleu ty me apartament, kush të mban peng me apartament? Shqiptarë, pyesni veten, cili nga ju ka arritur të bëhet me rrogë shteti me tre apartamente, për të kuptuar se çfarë është pengu i Edi Ramës, Altin Dumani apo tjetri me vilë, apo tjetri... Dhe që marrin 7 mijë euro rrogën. A mund të imagjinoni ju të paguhen kriminelët me taksat tuaja 7 mijë euro rrogën?," tha Berisha.

sali berisha

Sondazh

Poll

MË SHUMË