Aktualitet

EMRI/ Lëvizte i armatosur dhe me kokainë, arrestohet 40-vjeçari në Tiranë

Nga operacioni i policisë është arrestuar Qazimi si dhe janë sekuestruar një armë zjarri pistoletë me krëhër e municion luftarak dhe sasi lënde të dyshuar narkotike kokainë.

9 Nëntor 2024, 15:22 Nga I.A
EMRI/ Lëvizte i armatosur dhe me kokainë, arrestohet 40-vjeçari
Policia


TIRANË- Një 40-vjeçar me emrin Hasan Qazimi është vënë në pranga ditën e sotme në Tiranë. Mësohet se Qazimi është arrestuar pasi lëvizte i armatosur dhe me doza kokaine në makinë. Nga operacioni i policisë është arrestuar Qazimi si dhe janë sekuestruar një armë zjarri pistoletë me krëhër e municion luftarak dhe sasi lënde të dyshuar narkotike kokainë.

Njofitmi i policisë:

Lëvizte i armatosur dhe me lëndë narkotike, falë inteligjencës policore lokalizohet dhe arrestohet në flagrancë 40-vjeçari. Finalizohet operacioni policor i koduar “Klienti” nga Sektori për Hetimin e Narkotikëve në DVP Tiranë. Sekuestrohen një armë zjarri pistoletë me krëhër e municion luftarak dhe sasi lënde e dyshuar narkotike kokainë. Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”.

Gjatë operacionit u arrestua në flagrancë shtetasi H. Q. (G)., 40 vjeç, banues në Tiranë. Në rrugën “Halit Bega”, shërbimet e Policisë kanë lokalizuar shtetasin H. Q. (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë. Materialet i kaluan Prokurorisë.

hasan qazimi

Sondazh

Poll

MË SHUMË