Bota

"Po mendoj të komunikoj me Putin"/ Trump: Kam folur me 70 liderë botërorë që nga fitorja

Trump gjatë një interviste për NBC, tha se që nga mëngjesi i së mërkurës ka folur me 70 liderë botërorë.

8 Nëntor 2024, 17:32 Nga DOSJA
"Po mendoj të komunikoj me Putin"/ Trump: Kam folur me 70
Donald Trump dhe Vladimir Putin

SHBA- Presidenti i sapozgjedhur i SHBA-së, Donald Trump tha se nuk kishte folur me presidentin rus Vladimir Putin që kur fitoi zgjedhjet këtë javë, por shtoi se ai mendon se do ta bëjë. Trump gjatë një interviste për NBC, tha se që nga mëngjesi i së mërkurës ka folur me 70 liderë botërorë.

Të enjten, Putin e uroi Trump për fitoren e tij në zgjedhje, e lavdëroi për guximin e treguar kur një person i armatosur u përpoq ta vriste dhe tha se Moska ishte gati për dialog me presidentin e zgjedhur të SHBA-së. Në fjalimin e tij të parë publik që nga fitorja e Trump, Putin tha se Trump veproi si një njeri i fortë kur u shënjestrua për vrasje në një tubim në Pensilvani më 14 korrik.

“Për mendimin tim, ai u soll në një mënyrë shumë të duhur, me guxim, si një burrë i vërtetë. Do të doja ta shfrytëzoj këtë rast për ta uruar për zgjedhjen e tij”, tha Putin në Soçi.

Udhëheqësi rus shtoi se Trump u sulmua nga të gjitha anët gjatë fushatës së stuhishme zgjedhore dhe se deklaratat e Trump për Ukrainën dhe rivendosjen e marrëdhënieve me Rusinë meritojnë vëmendje.

 

vladimir putin donald trump

Sondazh

Poll

MË SHUMË