Politike

PS presion administratës për të mbledhur vota nga diaspora, Lëvizja Bashkë: Qeveria ka zgjedhur rrugën e manipulimit dhe presionit

Sipas aktivistës së Lëvizjes Bashkë Mirela Ruko, PS po i bën presion administratës për të mbledhur vota dhe ndikuar në zgjedhjet e ardhshme. 

7 Nëntor 2024, 16:09 Nga I.A
PS presion administratës për të mbledhur vota nga diaspora,
Levizja Bashke

TIRANË- Lëcizja Bashkë ka denoncuar ditën e sotme tentativën që sipas tyre Partia Socialiste po bën për të mbledhur vota nga diaspora. Sipas aktivistës së Lëvizjes Bashkë Mirela Ruko, PS po i bën presion administratës për të mbledhur vota dhe ndikuar në zgjedhjet e ardhshme. 

Postimi i Plotë:

Kërkesa për të mbledhur të dhëna për të afërmit e qytetarëve që jetojnë në diasporë është një akt i papranueshëm dhe një shkelje flagrante e të drejtave të privatësisë. Partia Socialiste dhe Edi Rama po përdorin administratën publike për qëllime politike duke ushtruar presion mbi punonjësit për të ndikuar në zgjedhjet e ardhshme. Kjo është një përpjekje për të manipuluar votat e emigrantëve. Qeveria në vend që të angazhohet për përmirësimin e kushteve të jetesës dhe të ndërtojnë një qeverisje të bazuar në transparencë dhe ndershmëri, ka zgjedhur rrugën e manipulimit dhe kontrollit politik.

Ne kërkojmë që çdo veprim i tillë të ndalet menjëherë dhe që autoritetet të zbatojnë ligjet që mbrojnë të drejtën e çdo individi për të mos u detyruar të ofrojë të dhëna private për qëllime politike. Askush nuk mund të qëndrojë në pushtet mbi presionin dhe shantazhin, por mbi zgjedhjen e lirë dhe të ndershme. Këto janë shenja të një pushteti të kalbur që askush nuk e beson më. Njerëzit e ndershëm që jetojnë me punën e tyre në administatën publike duhet të rezistojnë dhe denoncojnë këtë skandal. Bashkohu me Lëvizjen BASHKË!

PS presion administratës për të mbledhur vota nga diaspora,
Denoncimi

levizja bashke

Sondazh

Poll

MË SHUMË