Art&Argëtim

Noizy dorëzohet në policinë e Pejës, ndalohet për 48 orë, merret në pyetje nga hetuesit

Mësohet se ai po merret në pyetje nga hetuesit policor. Lajmin e ka konfirmuar edhe zëdhënësi i Prokurorisë Themelore në Pejë, Shkodran Nikçi. Ai shtoi se reperi është ndaluar për 48 orë.

5 Nëntor 2024, 11:36 Nga N.F
Noizy dorëzohet në policinë e Pejës, ndalohet për 48
Foto ilustruese


PEJË- Reperi, Rigels Rajku i njohur si Noizy është paraqitur ditën e sotme në komisariatin e Pejës. Mësohet se ai po merret në pyetje nga hetuesit policor. Lajmin e ka konfirmuar edhe zëdhënësi i Prokurorisë Themelore në Pejë, Shkodran Nikçi. Ai shtoi se reperi është ndaluar për 48 orë.


“Reperi Noizy pak më parë është paraqitur në stacionin policor, me ç’rast më pas do të intervistohet nga hetuesit policor, e me vendim të prokurorit të shtetit do të ndalohet për 48 orë”, ka thënë Nikçi.

Noizy u arrestua në muajin gusht me kërkesë të Policisë së Kosovës. Ai ishte shpallur në kërkim të hënën lidhur me rrahjen e  Medi Isenin që kishte ndodhur më 1 gusht në një diskotekë në Pejë. Bashkë me Noizyn është arrestuar edhe DJ i tij, Bahtjar Bajraktari, i cili po ashtu ishte në kërkim. Kapja dhe arrestimi i tyre u bënë me qëllim ekstradimin në Kosovë. Noizy u lirua pasi pagoi 2 mijë euro gjobë pranë gjykatës.


“Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçme Operacionale, Sektori për Kërkimin, Njësia “FAST Albania” në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri. Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina”, thuhej në njoftimin e Policisë së Shtetit.

 

noizy

Sondazh

Poll

MË SHUMË