Bota

Koreja e Veriut lëshon një breshëri raketash balistike disa orë përpara zgjedhjeve presidenciale në SHBA

Shtabi i përgjithshëm kombëtar i mbrojtjes së Koresë së Jugut tha se lëshimi i raketave balistike me rreze të shkurtër veprimi drejt Detit Lindor u zbulua në orën 07:30. Duke parashikuar lansime të reja, forcat e armatosura të Koresë së Jugut kanë rritur mbikëqyrjen dhe vigjilencën e tyre, duke shtuar se po ndante informacione me Tokion dhe Uashingtonin.

5 Nëntor 2024, 07:52 Nga N.F
Koreja e Veriut lëshon një breshëri raketash balistike disa
Kim Jong Un


KORE- Koreja e Veriut lëshoi ​​një seri raketash balistike me rreze të shkurtër veprimi herët këtë mëngjes. Lajmin e konfirmoi sot ushtria e Koresë së Jugut ndërsa ky është testi i dytë i armëve në pesë ditë. Gjithashtu kjo seri raketash është hedhur pak orë përpara zgjedhjeve presidenciale në SHBA.

Shtabi i përgjithshëm kombëtar i mbrojtjes së Koresë së Jugut tha se lëshimi i raketave balistike me rreze të shkurtër veprimi drejt Detit Lindor u zbulua në orën 07:30. Duke parashikuar lansime të reja, forcat e armatosura të Koresë së Jugut kanë rritur mbikëqyrjen dhe vigjilencën e tyre, duke shtuar se po ndante informacione me Tokion dhe Uashingtonin.

Të enjten e kaluar, Koreja e Veriut e armatosur me armë bërthamore njoftoi se kishte testuar raketën e re balistike ndërkontinentale me lëndë djegëse të ngurtë (ICBM), më e avancuara që ka zhvilluar. Ishte shfaqja e parë e forcës e këtij lloji nga Koreja e Veriut që kur u akuzua nga Ukraina, aleatët e saj perëndimorë dhe Seuli për dërgimin e mijëra trupave në Rusi.

Ekspertët besojnë se seria e testeve të armëve të Phenianit mund të jetë pjesë e një përpjekjeje për të larguar vëmendjen nga vendosja e supozuar e trupave të Koresë së Veriut në Rusi, e cila ka shkaktuar shqetësim ndërsa afrohen zgjedhjet e sotme në SHBA.

Rusia dhe Koreja e Veriut, të cilat e shohin SHBA-në si një armik që kërcënon vetë ekzistencën e tyre, kanë forcuar marrëdhëniet që kur Vladimir Putin urdhëroi pushtimin e Ukrainës në shkurt 2022. Dy vendet nënshkruan një marrëveshje mbrojtëse, e cila parashikon që njëri do të mbrojë tjetrin në rast sulmi, gjatë një vizite në qershor të presidentit rus në Phenian.

 

kore e jugut kore e veriut korea e veriut leshon raketa balistike

Sondazh

Poll

MË SHUMË