Aktualitet

Grabitën automjetin në një garazh në Yzberisht, 3 të arrestuar, një në kërkim dhe një nën hetim

Gjithashtu një person tjetër me inicialet A. T., 37-vjeç u procedua në gjendje të lirë, ndërsa po punohet për kapjën e një personi me inicialet D. T.

1 Nëntor 2024, 12:05 Nga ZH.LL

 

Grabitën automjetin në një garazh në Yzberisht, 3 të
Momenti vjedhjes së makinës

TIRANË- Tre persona kanë rënë në pranga të policisë pasi vodhën një automjet në një garazh në rrugën "Tre Dëshmorë", në Yzberisht. Sipas policisë, 3 të arrestuarit janë: A. T., 27 vjeç, A. T., 29 vjeç dhe K. B., 33 vjeç për veprën penale "vjedhja".

Gjithashtu një person tjetër me inicialet A. T., 37-vjeç u procedua në gjendje të lirë, ndërsa po punohet për kapjën e një personi me inicialet D. T.

Njoftimi i policisë:

Finalizohet operacioni policor i koduar "GLK", për goditjen e veprimtarisë kriminale në fushën e vjedhjes së pasurisë. Vodhën një automjet, në një garazh në rrugën "Tre Dëshmorët", në Yzberisht, arrestohen 3 shtetas. Procedohet në gjendje të lirë një shtetas, për moskallëzim krimi, si dhe punohet për kapjen e një shtetasi tjetër.

Specialistët për Hetimin e Krimeve të Komisariatit të Policisë Nr. 6, në vijim të punës për goditjen e veprimtarisë kriminale në fushën e vjedhjes së pasurisë dhe për vënien përpara përgjegjësisë penale, të autorëve, kanë organizuar dhe finalizuar operacionin policor të koduar "GLK".

Gjatë operacionit u arrestuan shtetasit A. T., 27 vjeç, A. T., 29 vjeç, banues në Tiranë, dhe K. B., 33 vjeç, banues në Shijak, për veprën penale "Vjedhja", parashikuar nga neni 134 i Kodit Penal. Gjithashtu u procedua në gjendje të lirë shtetasi A. T., 27 vjeç, banues në Shijak, për veprën penale "Moskallëzimi i krimit", parashikuar nga neni 300 i Kodit Penal, dhe po punohet për kapjen e shtetasit D. T.

Nga veprimet hetimore të kryera dyshohet se më datë 09.10.2024, shtetasi A. T., 27 vjeç, ka vjedhur një automjet tip "Benz", në një garazh në rrugën "Tre Dëshmorët", në Yzberisht. Shtetasi A. T., 29 vjeç, e ka shoqëruar me një automjet tjetër para, si dhe pas kryerjes së vjedhjes ka shoqëruar automjetin e vjedhur dhe kanë lëvizur të dy automjetet bashkë. Nga veprimet hetimore të kryera ka rezultuar se shtetasi K. B., ka dashur që t’i shesë automjetin e vjedhur shtetasit A. T., i cili dhe pse ka patur dijeni që automjeti është i vjedhur, nuk e ka kallëzuar atë pranë organeve kompetente.

Materialet i kaluan Prokurorisë.

tirane yzberisht vidhet automjeti 3 te arrestuar

Sondazh

Poll

MË SHUMË