Aktualitet

E diela e fundit e tetorit sjell ndryshimin e orës, nesër akrepat do të kthehen 60 minuta pas

Akrepat do t’i lëvizen vetëm në orët analoge, pasi të gjitha pajisjet e tjera digjitale të lidhura me internet do të përditësohen automatikisht me orarin e ri.

26 Tetor 2024, 08:30 Nga M.B
E diela e fundit e tetorit sjell ndryshimin e orës, nesër akrepat do
Foto ilustruese

TIRANA- Këtë të dielë akrepat e orës do të kthehen 60 minuta pas. Të dielën e fundit të muajit tetor, akrepat do të lëvizin prapa me një orë në 03:00, natën mes të shtunës dhe të dielës, 26 dhe 27 tetor, duke u ripozicionuar në orën 02:00. Kështu, do të mund të flihet një orë më shumë gjumë, por pasditet do të kenë një orë më pak dritë natyrale.

Akrepat do t’i lëvizen vetëm në orët analoge, pasi të gjitha pajisjet e tjera digjitale të lidhura me internet do të përditësohen automatikisht me orarin e ri. Ora diellore do të qëndrojë në fuqi deri në 31 mars 2025, kur si gjithmonë në orën 03:00 të mëngjesit do të hyjë në fuqi ora ligjore, ose ajo verore. 

Ndërrimi i orës ka si qëllim kursimin e energjisë elektrike dhe shfrytëzimin e dritës se diellit. Rregullat e ndryshimit të orës në BE kanë mbetur të njëjta pavarësisht kritikave të disa nga vendeve anëtare për të ndryshuar këtë praktikë. 

ndryshimi i ores

Sondazh

Poll

MË SHUMË