Aktualitet

Shfrytëzonte fëmijën e mitur duke e nxjerrë në rrugë për të lypur, procedohet penalisht nëna e 1-vjeçarit

Policia bën me dije se nëna 25-vjeçare shfrytëzonte fëmijën e saj të mitur, 1 vjeç duke e nxjerrë në rrugë për të lypur.

25 Tetor 2024, 10:34 Nga N.F
Shfrytëzonte fëmijën e mitur duke e nxjerrë në
Foto ilustruese

TIRANË- Një 25-vjeçare është rpoceduar penalisht në Tiranë. Policia bën me dije se nëna 25-vjeçare shfrytëzonte fëmijën e saj të mitur, 1 vjeç duke e nxjerrë në rrugë për të lypur.

Më tej bëhet me dije se rasti u konstatua në Rrugën e Elbasanit. 25-vjeçarja është proceduar për veprën penale “Keqtrajtimi i të miturit".

Njoftimi i plotë:

DVP Tiranë/ Shfrytëzonte fëmijën e saj të mitur për të lypur, procedohet penalisht 25-vjeçarja. Shërbimet e Komisariatit të Policisë Nr. 1, në vijim të punës për parandalimin e rasteve të fëmijëve në situatë rruge, të cilët shfrytëzohen për të lypur, kanë vijuar kontrollet në zona të ndryshme të Tiranës dhe kanë evidentuar një rast të kësaj paligjshmërie.

Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasen M. D., 25 vjeçe, për veprën penale “Keqtrajtimi i të miturit”, parashikuar nga neni 124/b i Kodit Penal.

Kjo shtetase është konstatuar në Rrugën e Elbasanit, së bashku me fëmijën e saj të mitur 1 vjeç e gjysmë, të cilin e kishte nxjerrë për të lypur. Drejtoria Vendore e Policisë Tiranë fton qytetarët që nëse do të konstatojnë raste të fëmijëve në situatë rruge, të telefonojnë në numrin pa pagesë 112 dhe apelon për të gjithë prindërit dhe kujdestarët e fëmijëve që të mos i shfrytëzojnë ata për këtë aktivitet, pasi do të përballen me ligjin.

titane shfrytezim i te miturve lypje

Sondazh

Poll

MË SHUMË