Politike

Kryemadhi akuza SPAK: Ka rrëmbyer mjekun kirurg të fëmijës, e morën si kriminel në Rinas! Beteja ime është me Edi Ramën

Kryemadhi ka përgënjeshtruar dosjen e SPAK teksa theksoi se vetë ajo ka qenë korrekte me këtë institucion drejtësie.

22 Tetor 2024, 13:05 Nga ZH.LL
Kryemadhi akuza SPAK: Ka rrëmbyer mjekun kirurg të fëmijës,
Monika Kryemadhi

TIRANË- Monika Kryemadh në deklaratën për media një ditë pas arrestimit të ish-bashkëshortit të saj Ilir Meta, i është drejtuar me tone të ashpra SPAK-ut. Kryemadhi ka përgënjeshtruar dosjen e SPAK teksa theksoi se vetë ajo ka qenë korrekte me këtë institucion drejtësie. Ndër të tjera, ajo tha se beteja e saj është me Edi Ramën dhe të gjithë atyre që i shërbejnë kreut të qeverisë.

"Mjeku kirurg që ka operuar fëmijën tim e kanë marrë si kriminal në Rinas, i kanë heq lidhëset, rripin dhe kanë trajtuar si një kriminel. Kur ndërkohë SPAK kishte kartelën mjekësore të fëmijës, timin, analizat e mia, për ca e kërkon mjekun. Mjeku kishte numrin në kartelë, pse nuk i kanë dërguar email, duam një mesazh. Për ca e marrin mjekun si kriminel për ta intimiduar. Personin që mamaja i ka blerë shtëpinë, e ka kërkuar dhe të thotë që mi ka dhënë lekët kesh në dorë. Personi që i kam blerë unë shtëpinë, e kanë kërcënuar 3-4 herë, e kanë fut dhe brenda me akuza të tjera për ta frikësuar. U kanë kërkuar të bëjnë deklaratat e rrema, këta mund të thonë që punojmë me metodat amerikane që provokojnë edhe ne do provojmë e do provokojmë, i kam toleruar në aspektin njerëzit për shkak të karrierës sime politike, i kam toleruar edhe për sjelljen e tyre se në fund të fundit janë ushtarët e Ramës, beteja ime nuk është me ta, para ca vitesh ishte Karaja, tani Dumani, të gjithë janë kalimtarë, ata janë ushtarët e bindur të një perandorie të kapur nga krimi, e bëjnë me zell të madh këtë gjë, beteja ime është betejë politike me Ramën dhe ata që i shërbejnë Ramës", u shpreh Kryemadhi.

monika kryemadhi spak edi rama ilir meta

Sondazh

Poll

MË SHUMË