Politike

Opozita u la jashtë Parlamentit, Balla: Kush mendon se kjo situatë është për një vendim gjykate e ka gabim

Ai shtoi se apeli i tij ishte që dhuna nuk ka vend në demokraci.

3 Tetor 2024, 11:01 Nga M.B
Opozita u la jashtë Parlamentit, Balla: Kush mendon se kjo situatë
Taulant Balla

TIRANA- Ministri i Shtetit për Marrëdhëniet me Parlamentin, Taulant Balla, u shpreh jashtë Parlamentit se opozita po krijon kaos me qëllim bllokimin e integrimit të Shqipërisë, që pas dy javëve do të hapë kapitujt e negociatave për anëtarësim në BE. Balla tha se kjo ndodh çdo vjeshtë. Ai shtoi se apeli i tij ishte që dhuna nuk ka vend në demokraci.

“Është një situatë, si para një viti, në vjeshtë. Sa herë që Shqipëria ndodhet në një moment të rëndësishëm të rrugëtimit, pas 2 javëve kemi konferencën me BE-në që hap zyrtarisht kapitujt e marrëveshjes së Shqipërisë sonë në BE, ndodhet e njëjta situatë. Kush mendon se kjo situatë është për një vendim gjykate e ka gabim, apo që do t’i marrë shqiptarët për budallenj. Apeli im si koleg, si deputet prej 20 vitesh në Kuvend është që dhuna nuk ka vend në demokraci”, tha Balla.

taulant balla

Sondazh

Poll

MË SHUMË