Bota

Vrasja e liderit të Hezbollahut/ Netanyahu: Jemi të vendosur të vazhdojmë të godasim armiqtë tanë

. Gjithashtu ai paralajmëroi popullin izraelit se ditë të vështira po vijnë. 

28 Shtator 2024, 22:20 Nga E. D
Vrasja e liderit të Hezbollahut/ Netanyahu: Jemi të vendosur të
Benjamin Netanyahut

IZRAEL- Ndërhyrja e shumëpritur e Benjamin Netanyahut, pas shfarosjes së Hassan Nasrallah, tashmë është një fakt. Kryeministri i Izraelit i kthyer nga New York mbrëmjen e së shtunës (28/9) bëri një deklaratë publike, duke i cilësuar zhvillimet si një kthesë historike që mund të ndryshojë balancën e fuqive në Lindjen e Mesme. Gjithashtu ai paralajmëroi popullin izraelit se ditë të vështira po vijnë. 

“Nasrallah nuk ishte viktimë, ai ishte terroristi. Vrasja e Nasrallahut ishte një hap i domosdoshëm në arritjen e qëllimeve tona, kthimin e veriut të sigurt në shtëpitë e tyre dhe ndryshimin e ekuilibrit të fuqisë në rajon për vitet në vijim," shtoi ai.

Kryeministri izraelit pohoi gjithashtu se vdekja e Nasrallah do të përshpejtonte kthimin e pengjeve të mbajtura në Rripin e Gazës pas sulmit të kryer nga Hamasi palestinez më 7 tetor 2023.

"Ne jemi të vendosur të vazhdojmë të godasim armiqtë tanë (...) Nëse dikush vjen për t'ju vrarë, ngrihuni dhe vrisni së pari.  Me vdekjen e Nasrallahut, ...ne i lamë hesapet me një njeri që ishte përgjegjës për vrasjen e një numri të madh izraelitësh dhe shumë qytetarëve të vendeve të tjera, mes tyre qindra amerikanë dhe dhjetëra francezë," tha ai. 

Netanyahu vlerëson IDF-në, Forcat Ajrore izraelite, Inteligjencën Ushtarake, Mossad dhe Shin Bet për arritjet e tyre dhe jo vetëm dje Kryeministri, ndër të tjera, iu referua ministrit të mbrojtjes Yoav Galand, i cili mbikëqyri operacionin me shefat e sigurimit ndërsa ai ishte në SHBA.

"Ne nuk i harrojmë për asnjë moment. Ne do të luftojmë së bashku dhe me ndihmën e Zotit, ne do të fitojmë së bashku", përfundoi Netanyahu. 

lufta ne lindjen e mesme benjamin netanyahut

Sondazh

Poll

MË SHUMË