Bota

Më shumë se 30 të burgosur janë liruar gabimisht nga një burg në Britani

Rreth 1,750 të dënuar u liruan këtë muaj sipas programit të qeverisë që konsideron se disa të burgosur kanë të drejtë për lirim, të cilët kanë kryer 40 për qind të dënimit të tyre.

26 Shtator 2024, 15:57 Nga E. D
Më shumë se 30 të burgosur janë liruar gabimisht nga
foto ilustruese

BRITANI E MADHE- 37 të burgosur u liruan gabimisht sipas një skeme të lirimit të parakohshëm të prezantuar nga qeveria britanike për shkak të mbipopullimit të burgjeve në Angli dhe Uells, sipas ministrisë së drejtësisë. Rreth 1,750 të dënuar u liruan këtë muaj sipas programit të qeverisë që konsideron se disa të burgosur kanë të drejtë për lirim, të cilët kanë kryer 40 për qind të dënimit të tyre. Gjithashtu mijëra të tjerë pritet të lirohen. Gjithsej 37 të burgosur që ishin në burg për shkelje të urdhrave të ndalimit u liruan gabimisht, por shumica prej tyre tashmë janë kthyer në burg.

Britania ka shkallën më të lartë të të burgosurve në Europën Perëndimore dhe po përballet me një krizë, me numrin e të burgosurve që po rritet ndjeshëm pas periudhës së pandemisë për shkak të dënimeve më të gjata, vonesave në shumë raste dhe një marrëveshje sipas së cilës ata që janë dënuar për krime të rënda duhet të kryejnë të paktën 65% të dënimit të tyre.  Pas marrjes së pushtetit në korrik, qeveria laburiste njoftoi një skemë të lirimit të parakohshëm për shkak të mbipopullimi të burgjeve.

britani e madhe

Sondazh

Poll

MË SHUMË