Aktualitet

Atentati ndaj ish-prokurorit Arjan Ndoja në 2019, Apeli i GJKKO lë në burg Julian Meçajn

Meçaj u deportua në gusht të këtij viti nga Dubai bashkë me Plaurent Dervishajn.

26 Shtator 2024, 10:27 Nga I.A
Atentati ndaj ish-prokurorit Arjan Ndoja në 2019, Apeli i GJKKO lë
Arjan Ndoja

TIRANË- Apeli i Gjykatës së Posaçme ka lënë në masën e sigurisë arrest me burg për autorin e atentatit ndaj ish-prokurorit Arjan Ndoja, Julian Meçaj. Meçaj u deportua në gusht të këtij viti nga Dubai bashkë me Plaurent Dervishajn. Ndaj Meçajt rëndojnë akuzat për atentat ndaj ish-prokurorit Ndoja si dhe vrasjen e mikut të tij, Andi Maloku. 

Si ndodhi atentati ndaj Ndojës? 

Më 1 nëntor  2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit",  Aleksandër Laho (alias Pëllumb Muharremi) i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur. Për ngjarjen janë duke u gjykuar në shkallën e parë edhe Redjan Rraja dhe Arjol Halilaj, të akuzuar si qitës në atentat.

arjan ndoja julian meçaj

Sondazh

Poll